लागू आषैध प्रयोगकर्तालाई लत छाडेर रोल मोडल बन्न पर्सा प्रहरी प्रमुख पंतको आग्रह

12/28/2020 गते 00 00 मा प्रकाशित 887 पटक पढिएको

पर्सा प्रहरी उपरिक्षक गंगा पन्तले लागु औषधको प्रयोगकर्ताहरुलाई लत छोडेर समाजमा रोल मोडेलको रुपमा स्थापित हुन आग्रह गर्नु भएको छ ।

जिल्ला प्रहरी कार्यालय अगाडि रहेको बिश्वास पुर्नस्थापना केन्द्रमा आयोजना गरिएको निशुल्क नेत्र शिविरको प्रारम्भ गर्दै प्रहरी उपरिक्षक पन्तले यस्तो बताउनु भएको हो ।

उहाँले संगतको करण लतमा फसेकाहरुका कारण परिवारमा समस्या आएको कुरालाई स्मरण गर्न समेत आग्ह गर्नु भयो । पूर्नस्थापना केन्द्रमा उपचार गराउदै आएका करिव ४० जना युवालाई प्रहरी उपरिक्षक पंतले समाजमा स्थापित हुन आग्रह गर्नु भएको हो ।

उहाँले हरेक मान्छेमा बिशेष खुबी हुने चर्चा गर्दै त्यसलाई चिनेर समाजमा शान्ति र अमन कायम गर्न आगू औषधका प्रयोगकर्ताहरुले आफूलाई दरो रुपमा प्रस्तुत गर्नु पर्ने बताउनु भयो । उहाँले लत छोडे मात्र जीवनको अर्थ थाहा हुने र नाता गोता आफन्तजन त्यसैमा खुशी हुने स्पष्ट पार्नु भयो ।

माट्रिक आइ फाउण्डेशन र बिश्वास पूर्नस्थापना केन्द्रले अयोजना गरेको नेत्र शिविरमा ५० जनाको निशुल्क नेत्र परिक्षण गरिएको थियो ।

कार्यक्रममा नेपाल पत्रकार महासंघ प्रदेश २ का उपाध्यक्ष के.सी.लामिछाने फोटो पत्रकार महासंघका प्रदेश अध्यक्ष पंकज श्रेष्ठ प्रहरी निरिक्षक सरोज प्रजापती बिश्वास पूर्नस्थापना केन्द्रका श्याम श्रेष्ठ लगायतको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।