नेपाल पत्रकार महासंघ प्रदेश २ का अध्यक्ष दीपेन्द्र चौहानले मानव अधिकारको उल्लंघनको बिषयलाई सार्वजनीक गरेर राज्यलाई जिममेवार र जवाफदेह बनाउने काममा महत्वपूर्ण भूमिका खेलेको बताउनु भएको छ । 
अनौपचारिक क्षेत्र सेवा केन्द्र (इन्सेक) पर्साले वर्ष २०२१ कालागि संकलन गरेको मानव अधिकार उल्लंघन सम्बन्धी घटनाका बिषयमा बीरगंजमा आयोजना गरेको प्रकाशन पूर्वको समिक्षा गोष्ठीमा उहाँले यस्तो बताउनु भएको हो । 

उहाँले दण्डहिनता बढेको भन्दै चिन्ता समेत ब्यक्त गर्नु भयो । मानव अधिकार घना उल्लंघन हुदा मानव अधिकार वर्ष पुस्तकमा नाम प्रकाशन हुदा पहिलाका प्रहरी कर्मचारीमा चिन्ता देखिन्थ्यो अहिले  त्यस्तो नदेखिएको भन्दै घटनाको संकलनमा अझै बढी गहिरोसंग लाग्नु पर्ने सुझाव दिनु भयो । 

कार्यक्रममा पर्साका निमित्त एसपी ओमप्रकाश खनालले नेपाल प्रहरी मानव अधिकारको संरक्षण र प्रर्वद्धन प्रति प्रतिवद्ध र।हेको बताउनु भयो । अहिले पनि मानव अधिकारको बिषयमा प्रहरी सम्बेदनशिल रहेको बताउदै मानव अधिकार प्रतिको सम्मान र समर्पण प्रहरीको करियरसंग पनि जोडिएको बताउनु भयो । उहाँले प्रहरीले  पीडामा परेकाहरुकोलागि काम गर्ने बताउदै धेरै बिषयमा काम गर्ने भएकोले कमजोरी हुनु सक्ने स्वीकार गर्दै सकारात्मक आलोचनाको अपेक्षा सदैव गरिने बताउनु भयो । 

कार्यक्रममा नेपाल पत्रकार महासंघ पर्साका अध्यक्ष श्याम बन्जाराले इन्सेकले मानव अधिकार वर्ष पुस्तक निकालेर सामाजिक न्याय र मानव अधिकारको पक्षमा राम्रो भूमिका निर्वाह गरेको बताउनु भयो । उहाँले पत्रकार आफै पनि पहिलो पंक्तिको मानव अधिकार रक्षक भएको बताउदै पत्रकारहरुले आफनो भूमिका झनै प्रभावकारी बनाउनु पर्ने सुझाव दिनु भयो ।

मानव अधिकार निगारनी समुह पर्साका संयोजक तवरेज अहमदको अध्यक्षतामा भएको कार्यक्रममा नेपाल मानव अधिकार संगठन पर्सा सचिव शिवनाथ यादवले मानव अधिकार उल्लंघनको बिषयमा राज्य जिम्मेवार हुनु पनेृ बताउनु भयो । उहाँले मानव अधिकारको संरक्षण र प्रर्वद्धनमा राज्यको प्रथामिकता रहनु पनेृ बताउदै न्यायमा आम मान्छेको पहुच स्थापित हुनु पर्नेमा जोड दिनु भयो । 

कार्यक्रममा इन्सेक पर्साका प्रतिनिधि के.सी.लामिछानेले पर्सा जिल्लाको मानव अधिकारको अवस्थाका बारेमा प्रतिवेदन प्रस्तुत गर्नु भएको थियो । 

पर्सामा १८ वर्ष मुनिका बालिका बलात्कारका ३१  अप्राकृतिक मैथुनका २ ,१८ वर्ष भन्दा माथिका महिला बलात्कारका ७,बलात्कार प्रयासका ३,बाल यौन दूब्र्यवहारका ६ कर्तब्य ज्यानका १२ बोक्सी आरोप १ राज्यबाट दूब्र्यवहारका ४ मानव बेचबिखनका १ र बहुविहारको १ घटना भएको बताउनु भयो । बलात्कारका घटनाहरु गाउँ घरमै मिलाउने प्रचलनका कारण कतिपय घटनाहरु गाउँघरमै मिल्ने गरेको उहाँले बताउनु भयो । 
कार्यक्रममा सामाजिक कार्यकर्ता अशमोहीनी चौधरी, पत्रकारहरु अलिअसगर देवान, महेशचन्द्र गौतक, तुलसी भण्डारी श्रीराम रायमाझि लगायतले बिभिन्न जिज्ञासा राख्नु भएको थियो ।