मेचीमहाकाली बुहारी संयुक्त आवाजको पहलमा चाँदनीले पाउनु भयो नागरिकता

12/17/2020 गते 00 00 मा प्रकाशित 1172 पटक पढिएको

बिवाह भएको १० वर्ष सम्म नागरिकता नपाएकी एक महिलालाई नागरिकता पाउनु भएको छ । ०६७ सालमा शेख नजरे आलम संग बिवाह बन्धनमा बाँधिनु भएकी २२ वर्षिया चाँदनी खातुनले पतिको नामबाट नागरिकता पाउनु भएको हो ।

श्रीमानले बिवाह दर्ता तथा नागरिकता बनाउन चासो नदेखाए पछि चाँदनीले बिद्रोह गर्नु परेको थियो । उहाँले आफनो समस्याको बारेमा मेची महाकाली बुहारी संयुक्त आवाजका अभियान्ताहरुलाई आफनो समस्या बताउनु भएको थियो । सर्लाहीको हरिओन नगरपालिका वडा न. ११ निवासी चाँदनीले नागरकिता पाएकोमा खुशी ब्यक्त गर्नु भयो ।

श्रीमानले आफुलाई मादक पदार्थ सेवन गरी कुटपिट तथा गालीगलौज गर्ने गरेको बुहारी संयुक्त आवाजकी सर्लाही सह कोषाध्यक्ष निषा बानियाँ ठकुरीलाई चाँदनीले बताउनु भएको थियो । बानियाले यो समस्यालाई वडा अध्यक्ष सम्म पुर्याउनु भएको थियो ।

बुहारी संयुक्त आवाज र वडा अध्यक्षको सक्रियतामा मेचीमहाकाली बुहारी संयुक्त आवाजका सर्लाही जिल्ला सह सम्योजक अन्जना कडरीया, सह कोषाध्यक्ष निषा बानिया,सदस्य गीता राउत,अन्जना नेपाल,गंगा रायमाझी,सर्मीला बानीया,अनु ढुंगेलको पस्थितिमा आज उहाँको विवाह दर्ता गरी आजै नागरीकता बनाइ दिएको वडा अध्यक्ष रेजाले बताउनु भयो ।

त्यस्तै बुहारी संयुक्त आवाजकी सर्लाही सह संयोजक अन्जना पन्त कडरीयाले हिंसामा परेका महिलाहरुको उद्धार र न्यायका लागि नै बुहारीहरु एकजुट भएको भन्दै चाँदनी खातुन जस्ता हजारौं बुहारीहरुले सजिलै नागरीकता पाउनु पर्ने बताउनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।