मूकेश चौरसियाको हत्या मुद्दामा दुईजना पुर्पक्षका लागि कारागार चलान दुईजना २÷२ लाख धरौटीमा र एकजना साधारण तारेकखमा रिहा

12/3/2020 गते 00 00 मा प्रकाशित 684 पटक पढिएको

वीरगन्ज, १८ मंसिर । नेकपा पर्साका जिल्ला सदस्य मूकेश चौरसियाको हत्या आरोपमा पक्राउ परेका तीजना रिहा भएका छन् । मुख्य अभियुक्त दुईजना पुर्पक्षका लागि कारागार चलान भएका छन् । मूकेशको हत्याको घटनामा संलग्न रहेको आरोपमा प्रहरीले पक्राउ गरेका मध्य हनिफ मियाँ र देवा सहनी जनही २/२ लाख रुपैंया धरौटीमा रिहा भएका छन् ।

अर्को एक १७ बर्षीय किशोर सवद्दीन आलमलाई भने घटनामा संलग्न नदेखिएकोले साधारण तारेखमा रिहा गरी अभिभावकको जिम्मा लगाईएको पर्सा जिल्ला अदालतले जनाएको छ । हत्याका मुख्य अभियुक्त बनाईएका अखिलेश भनिने अशेश्वर चौरसिया र उक्तम भनिने निरञ्जन तिवारालाई भने पुर्पक्षका लागि कारागार पठाईएको पर्सा जिल्ला अदालतका ५ नम्बर फाँट प्रमुख सञ्जय यादवले जानकारी दिनुभयो ।

पाँच नम्बर बेञ्चका न्यायधीश नारायण शर्माको इजलासमा मुद्दा सुनुवाई भएको हो । न्यायधीश शर्माको आदेशमा २ जना पुर्पक्षका लागि कारागार चलान, दुईजना २/२ लाख रुपैंया धरौटीमा र एकजना साधारण तारेखमा रिहा भएका हुन् । पर्साको विन्दवासिनी गाउँपालिकामा कार्तिक ६ गते भएको सपथ ग्रहण कार्यक्रममा दुईपक्षबीच झडप हुँदा घाईते भएका मूकेश चौरसियाको उपचारको क्रममा मृत्यु भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।