देकुलीमा निशुल्क नेत्र शिविर, मोतिबिन्दुको निशुल्क अप्रेशन हुने

11/28/2020 गते 00 00 मा प्रकाशित 862 पटक पढिएको

पटेर्वा सुगौली गाउँपालिकाको वडा नं ३ देकुलीमा शनिवार निशुल्क नेत्र शिविर सम्पन्न भएको छ ।

गाउँपालिकाको आयोजना तथा माट्रिका आइ फाउण्डेशनको प्राविधिक सहयोगमा सम्पन्न भएको निशुल्क नेत्र शिविरमा वडा नं ३ का देकुली, महेन्द्रपुर सोनवर्षाका स्थानीयले नेत्र परिक्षण गराएका थिए । माट्रिका आइ फाउण्डेशनका नेत्र प्राविधिक रुवी महतोले नेत्र परिक्षण गर्नु भएको थियो ।

परिक्षण गरिएका मध्य ३२ जनामा मोतिबिन्दुको समस्या देखिएको वडाध्यक्ष माधव राउतले जानकारी दिनु भयो । मोतिविन्दुको समस्या देखिएकाहरुको माट्रिका आइ फाउण्डेशनले निशुल्क अप्रेशन गर्ने फाउण्डेशन बीरगंजका संयोजक महेश सिंह धामीले जानकारी दिनु भयो ।
शिविरको गाउँपालिकाका प्रमुख हरिनारायण चौधरीले शुभारम्भ गर्नु भएको थियो ।

उहाँले गाउँपालिकामा मोतिबिन्दुका समस्या रहेका सबै नागरिकलाई यो सेवा उपलब्ध गराउनकालागि पालिकाको तर्फबाट गर्नु पर्ने सबै काम गरिने जानकारी दिनु भयो ।

उहाँले नेत्र परिक्षणमा कोही नछुटने गरि शिविरहरुको आयोजना र त्यसको ब्यवस्थापनमा फाउण्डेशनलाई आवश्यक सहयोग गर्ने उहाँले प्रतिवद्धता जनाउनु भयो ।

नागरिकलाई सबै हिसावले सक्षम बनाउने कुरामा पालिकाको ध्यान गएको उहाँले बताउनु भयो । उहाँले शिक्षा र स्वास्थ्य सेवालाई गुणात्मक बनाउनकालागि पालिकाले प्रथामिकतामा राखेको जानकारी दिदै नागरिकको तर्फबाट पनि सेवाको गुणस्तरीयताको बिषयमा खवरदारी आवश्यक रहेको बताउनु भयो ।

शिविरमा वडाध्यक्ष माधव राउत , नेकपाका नेता बीरेन्द्र चौधरी लगायत स्थानीय अगुवाहरुको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।