प्रेस चौतारी नेपालको बैठक सम्पन्न केही थपिए,महासंघ पर्सालाई आभार, महाधिबेशन तयारी गर्न समिति

इसीमाना सम्वाददाता २०७८ पौष २२ गते ०७: ०७ मा प्रकाशित 521 पटक पढिएको

आज हालै सम्पन्न भएको प्रेस चौतारी नेपाल पर्सा शाखाको पाँचौ जिल्ला अधिबेशनबाट निर्बाचित कार्य समितीको बैठक सम्पन्न भएको छ । बैठकले अधिबेशन भब्य रुपमा सफल पार्न सहयोग गर्ने सबै प्रति आभार र कृतज्ञता जाहेर गरेको छ ।

आजको बैठकले कार्य समितीमा आनन्द पटेल, अखिलेश प्रसाद साह, राजन रौनियार, पन्नालाल प्रसाद साह र उर्मिला सापकोटालाई थप गर्ने निर्णय गर्दै ११ सदस्यीय सचिबालय गठन गरेको छ । जस्मा श्याम बन्जारा, तुलसी भण्डारी, कबिता खड्का, राजेन्द्र सिँह, सन्तोष पटेल, महमद सदाब,राकेश साह, नेहाल खान, प्रकाश तिवारी, राजन रौनियार, नितेष कर्ण रहेका छन ।

आजकै बैठकले नेपाल पत्रकार महासंघ पर्सा शाखाको हालै सम्पन्न बैठकले निकै लामो समय अघिदेखि ब्यबसायीक पत्रकारिता गर्दै आउनु भएका निर्बिबाद र निर्भिक पत्रकारहरु प्रताप श्रेष्ठ र तुलसी भण्डारीलाई गोपाल गिरि स्मृति क्रियाशील पत्रकारिता पुरस्कार दिन उपयुक्त पात्र छनौट गरेकोमा धन्यबाद ज्ञापन गर्ने निर्णय गरेको छ ।

त्यसैगरि आजकै बैठकले पत्रकारिता महासंघ र चौतारीको बीचको सम्बन्धका बारेमा बृहत् प्रशिक्षण सन्चालन गर्ने निर्णय गरेको छ भने आगामी माघ महिनाको २२ र २३ गते पोखरामा सम्पन्न हुने छैठौं राष्ट्रिय महाधिबेशन सम्पन्न गर्न आवश्य पर्ने सबै तयारी पूरा गर्ने जिम्मेवारी सचिबालयलाई दिने निर्णय गरेको छ । बैठकमा कार्य समितिका पदाधीकारी, सदस्य, सल्लाहाकार एवं अन्य आमन्त्रितको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।