वीरगंज । ठोरी गाउँपालिकाको वडा नं ५ सुवर्णपुरमा रहेका होमस्टे (घरबास)लाई ठोरी गाउँपालिकाले एयर कन्डीशन.एसी) उपलब्ध गराएको छ । ठोरी गाउँपालिका अध्यक्ष  लालबहादुर श्रेष्ठले वडा नं ५ को बुद्धटोलमा रहेका सुनाखरी मध्यवर्ती होमस्टेलाई  पाँच थान एसी हस्तान्तरण गरेका हुन ।

सुवर्णपुरमा संचालीत मधेश प्रदेशकै पहिलो होमस्टे हो । सुवर्णपुरमा १५ घरमा होमस्टे संचालन छ । एकै रातमा ४० जना पाहुनाहरुलाई बास बसाउन सकिने क्षमता होमस्टेमा रहेको छ । तालिम सेमिनार संचालनकालागि सुवर्णपुरमा सामुदायीक भवन (सभाकक्ष) पनि छ । 

सुवर्णपुरमा संचालनमा रहेका १५ वटै होमस्टेलाई चालु आर्थिक वर्षमै एक÷एक थान एसी उपलब्ध गराउने पालिका अध्यक्ष श्रेष्ठको भनाई छ । अहिले पाँच थान हस्तान्तरण गरेका छौ उनले भने “यही आर्थिक वर्षमा सबै हामस्टेलाई कम्तीमा एक थान एसी उपलब्ध गराउने तयारी गरेका छौं ” । 

सुनाखरी होमस्टेका दावा लामाले पालिकाका अध्यक्ष लाल बहादुर श्रेष्ठलाई एसी उपलब्ध गराएर (होमस्टे)घरबास कार्यक्रमलाई प्रर्वद्धन गरेकोमा धन्यवाद ज्ञापन गरेका छन । 

मधेशको उखरमौलो गर्मीमा घरबासमा आउने पाहुनाहरुले पनि गर्मीको महशुस गर्न नपरोस भनेर एसी उपलब्ध गराएको अध्यक्ष श्रेष्ठले बताए । होमस्टे आर्थिक उपार्जनसंग जोडिएको बिषय पनि हो ।

ठोरी गाउँपालिका आन्तरीत तथा बाह्य पर्यटकहरुकालागि गन्तब्य केन्द्र बनाउन पालिकाले पनि लगानी गर्न आवश्यक रहेको छ । पालिकाले एसी उपलब्ध गराएर आफू पनि पर्यटकीय गन्तब्य केन्द्रको निर्माणमा साझेदार बनेको छ ।

होमस्टेमा नेपाली तथा भारतीय पर्यकटको आगमन हुने गरेको छ । वतानुकुलीत वतावरण पाउदा पाहुनाहरुको आगमन बढ्ने त्यसले ठोरीको आर्थिक सक्रियाकलापमा बढोत्तरी हुने बिश्वास पालिका अध्यक्ष श्रेष्ठको छ । 

ग्रामीण परिवेश, सास्कृतिक बिविधता , जातीय बिविधता, प्राकृतिक सुन्दरता सुर्वणपुरमा एकैठाउामा देख्न र अनुभूत गर्न पाइन्छ ।  पाहुनाहरुलाई स्थानीय परम्रा अनुसार स्वागत र सममान गर्ने , मौलीक सांस्कृति कार्यक्रमहरु मार्फत पाहुनाहरुलाई मनोरञ्जन दिने मैलीक परम्परा सुर्वणपुरमै पाइन्छ ।

आफनै बारीमा उत्पादन भएका अर्गानीक तरकारी, लोकल माछा मासुका परिकार नेपाली खाँना ढिडो र गुन्द्रुकको ग्रामीण स्वादको आनन्द लिन पाइन्छ । स्थानीय नागरिकको शालीनतापूर्ण ब्यवहार मनै लोभ्याउने हअर्को पक्ष हो ।

अस, आदीवासी जनजातीय समुदायको मिश्रीत बस्ती मिनि नेपालको सामाजिक संरचानाको विम्ब पनि हो । यस्तो महत्वपूर्ण ठोरीको सुवर्णपुरमा पाहुनाहरुले अव प्रचण्ड गर्मीमा पनि सिरक ओडेर आनन्दको निन्द्रा पाउने छन ।

 खुला ठाउमा भएको हुनाले अव सुवर्णपुरको होमस्टेको बिस्ताारमा पुग्ने पाहुनाहरुले दामन पालुङको जस्तो चिसोको अनुभूती गर्न पाउने छन । 

पर्या पर्यटनको बिकासमा पालिकाले अझै लगानी थप्दै जाने पालिका अध्यक्ष श्रेष्ठले बताएका छन । अहिले पनि ठोरी बिदाको दिनमा मध्यम वर्गिय परिवारको आउटीङको एउटा गन्तब्य बनेको छ ।

 प्राकृतिक छटाले भरिएको ठोरी बनजंगल पहाड पानी सबै प्राकृतिक सम्पदाको अनुपम संगम पनि हो ।

 ठोरीलाई पर्यटककालागि गन्तब्य केन्द्र बनाउन सकियो भने मध्यमवर्गी पर्यटकले ठोरी खचाखच हुने दिन अव धेरै कुर्नै पर्दैन । ठोरीमा बिभिन्न सुविधायुक्त रिसोर्टहरु संचालनमा छन ।

सुवर्णपुरमा स्वीमीङ्ग पुलको आनन्द पनि लिन पाइने छ । समग्रमा ठोरी आन्तरिक तथा बाह्य पर्यटककालागि कम्लीट प्याकेजका रुपमा रहेको छ ।