जनताको आवाज बोल्दै एमाले, सरकारी कार्यालयमा बिचौलिया हावी, सुशासनको प्रत्याभूती नभए आन्दोलनमा उत्रने चेतावनी
वीरगञ्ज । नेकपा एमाले वीरगंज महानगर कमिटीले सुशासनको प्रत्याभूतीको माँग गर्दै पर्साका प्रमुख जिल्ला अधिकारी मार्फत प्रधानमन्त्रीलाई ज्ञापन पत्र बुझाएको छ ।
महानगर कमिटीका अध्यक्ष नवराज शर्मा, पार्टीका केन्द्रीय सल्लाहकार तथा महानगरका निर्वतमान प्रमुख बिजय कुमार सरावगी,महानगर इञ्चार्ज विचारी यादव, सहितको टोलीले ज्ञापन पत्र बुझाउदेृ आफ्नै सरकारलाई सुशासन दिन भनेको हो ।
पर्साका सरकारी कार्यालयमा नियमितता, भ्रष्टाचार र बिचौलियाको प्रभाव छ भन्ने ठहर एमाले वीरगंज महानगरको छ र त्यसलाई निस्तेज पार्न उसले ज्ञापन पत्र मार्फत माँग गरेको छ ।
एमालेले सुधारको अपेक्षा राखेको छ सुधार नहुदामा आन्दोलनमा जाने बिकल्प रहेको स्मरण समेत गराएको छ ।
एमाले वीरगञ्ज महानगरले यातायात व्यवस्था, मालपोत, नापी, भन्सार, विद्युत प्राधिकरणलगायत दर्जनौं कार्यालयमा बिचौलियाबिना कुनै सेवा नपाइने अवस्था भएको आरोप लगाएको छ ।
“जनतालाई दैनिक कामका लागि कार्यालय धाउनुपरेको छ, तर पैसा र प्रभावबिना सेवा पाउन गाह्रो भएको छ,“ अध्यक्ष नवराज शर्माले हस्ताक्षर गरेको विज्ञप्तिमा भनिएको छ।
एमाले महानगर कमिटीले प्रहरी प्रशासनप्रति पनि असन्तुष्टि जनाउँदै राजनीतिक र सामाजिक प्रभावमा परेर काम गर्ने, सानातिना विवादमा मुद्दा थोपर्ने प्रवृत्तिको आलोचना गरेको छ ।
यस्तै, विकास निर्माणको गुणस्तर खस्किएको, अनुगमन नहुने, कमिसनको खेल मौलाएको भन्दै नियन्त्रण गर्ने संयन्त्र नै कमजोर भएको उल्लेख गरिएको छ ।
स्थानीय तहको कमजोरीप्रति पनि एमाले महानगर कमिटिले गुनासो गरेको छ । स्वास्थ्य क्षेत्रमा उल्लेख्य भूमिका नदेखिएको र तीन तहको सरकारमध्ये स्थानीय तह समेत निष्क्रिय जस्तो देखिएको भन्दै आलोचना गरेको हो ।
करिब पाँच महिनाअघि जगरनाथपुरमा आगलागी हुँदा ४ बिघा धान खेत जलेको घटनामा अहिलेसम्म राहत नपाएको, बन्दरगाह क्षेत्रको अधिग्रहणपछिको क्षतिपूर्ति अझै बाँकी रहेको विषयमा समेत तत्काल कदम चाल्न आग्रह गरिएको छ ।
विज्ञप्तिमा भनिएको छ, “भ्रष्टाचार गर्दिनँ, गर्न दिन्नँ भन्ने प्रधानमन्त्रीको भनाइ पर्साका सरकारी कार्यालयमा चुनौती बनेको छ ।“ एमालेलाई यस्तो बेथिति किमार्थ स्वीकार्य नहुने स्पष्ट गर्दै आवश्यक सुधार नभए सशक्त आन्दोलन घोषणा गर्ने चेतावनी दिएको छ ।
ज्ञापन पत्र बुझाउन गएको टोलीमा महानगर कमिटि सचिव जयनारायण सिंह कुर्मी, महानगर लेखा समिति अध्यक्ष अजय साह, वीरगञ्ज महानगर वडा नम्बर १७ का वडा अध्यक्ष सञ्जिव बहादुर क्षेत्री लगायतको उपस्थिति रहेको थियो ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकारद्वय गुप्ता र सर्राफलाई साधारण तारेखमा रिहा गर्न पर्सा जिल्ला अदालतको आदेश
वीरगञ्ज । पत्रकार राहुल गुप्ता र श्याम सर्राफ पर्सा जिल्ला अदालतबाट साधारण तारेखमा रिहा भएका छन । उनीहरु बिरुद्ध पर्सा क्षेत्र नं १ का साँसद बुद्धिप्रसाद पन्तले बिधुतीय कारोवार ऐन अन्र्तगत मुद्धा गरेका थिए ।
सात विश्व कीर्तिमान बनाएका डा.आशिश विष्ट देशको सेवा गर्न भन्दै नेपाल फर्किए
काठमाडौं । डा.आशिष विष्टले आफूले विश्वस्तरमा सात वटा शैक्षिक कीर्तिमान तथा ४ वटा ग्लोबल उपाधि हासिल गरेको प्रमाणहरु सार्वजनिक गरेका छन् ।
खेलकुद
ठोरीमा भदौ ६ देखि ७ ए–साइड फुटबल प्रतियोगिता संचालन हुने
वीरगंज । ठोरी गाउँपालिका–३, नयाँबस्ती ब्रह्मनगरमा रहेको आईटी कलेज खेल मैदानमा चौथो संस्करणको ७ ए–साइड फुटबल प्रतियोगिता आयोजना हुने भएको छ ।
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
तपाईको प्रतिक्रिया