सडक “सेन्टर”बाट पच्चीस मिटर भत्काउन प्रक्रिया शुरु, डिभिजनले सडकसीमा नाप्न नापीलाई लेख्यो पत्र

इसीमाना सम्वाददाता २०८२ बैशाख १६ गते ०२: ३६ मा प्रकाशित 941 पटक पढिएको

वीरगंज ।सडक डिभिजन कार्यालय हेटौडाले नापी कार्यालय हेटौडालाई सडकको सीमाङ्कन गरिदिनकालागि पत्र लेखेको छ ।त्रिभूवन राजपथको रातमाटे देखी बुद्धचोक र महेन्द्रराज पथको बुद्धचोक देखी राप्तीपुल सम्मको सडकको सीमा नाप जाँच गर्नकालागि कार्यालयले बैशाख ११ गते नै पत्राचार गरेको हो ।

सडक सीमा २५ ÷२५ गज सं।क्षण गर्न तथा सर्वोच्च अदालतले बिभिन्न मितिमा गरेको फैसलाहरुको कार्यान्वयनको प्रयोजनकोलागि सीमा नाप्नकालागि कार्यालयले डिभिजन प्रमुख गुरु प्रसाद अधिकारीले जानकारी दिए । कार्यालयले सडक सीमा नापजाँच गरि सरकार सम्पती संरक्षणको कार्यमा सहयोग गर्न समेत कार्यालयले आग्रह गरेको छ ।

०८१ फाल्गून २८ गते सर्वोच्च अदालतले लामो समयदेखि अदालतमा विचाराधीन रहेको वीरगञ्जको मुख्य सडक (मेनरोड) विस्तार गर्ने विरूद्धको परेको रिट खारेजी गरेको थियो ।

सर्वोच्च अदालतका न्यायाधीश विनोद शर्मा र महेश शर्मा पौडेलको संयुक्त इजलाशले रिट निवेदकहरूको पाँच वटा रिट खारेज गरेसँगै डिभिजन सडक कार्यालय हेटौँडालाई त्रिभूवन राजपथको दायाँबायाँ २५–२५ मिटर चौडा गर्ने बाटो खुलेको हो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।