मध्यरातमा मधेश कृषि विश्वविद्यालयका उपकुलपति र रजिस्ट्रार बर्खास्त

इसीमाना सम्वाददाता २०८१ फागुन २१ गते ०९: ५८ मा प्रकाशित 203 पटक पढिएको

राजविराजज । सप्तरीको राजविराजस्थित मधेश कृषि विश्वविद्यालयका उपकुलपति डाक्टर वैद्यनाथ महतो र रजिस्ट्रार भगवान ठाकुरलाई बर्खास्त गरिएको छ।

विश्वविद्यालय सिनेटको मङ्गलवार राति बसेको बैठकले उपकुलपति र रजिस्ट्रारलाई हटाउने निर्णय गरेको हो।

उपकुलपतीको नियुक्ति नै त्रुटीपूर्ण रहेको मधेश सरकारले बनाएको छानविन समितिले पनि निष्कर्ष निकाले छ ।

समितिले आर्थिक अपचलन भएको समेत औल्याएको स्रोतले जनाएको छ । यदपी समितिको प्रतिवेदन सार्वजनिक गरिएको छैन।

तत्कालीन जसपा नेपाल नेतृत्वको सरकारले ०८१ मंसिर २१ मा विश्वविद्यालयको उपकुलपतिमा डाक्टर महतोलाई नियुक्त गरेको थियो। त्यसको केहि दिनपछि रजिस्ट्रारमा ठाकुर नियुक्त भएका थिए।

सिनेटको बैठकले विश्वविद्यालयको बजेट पारित गर्नुका साथै पहिलाको खर्चलाई अनुमोदन गर्ने निर्णय समेत गरेको छ। अब यो विश्वविद्यालयले ३३ करोड बजेट चलाउन पाइने स्रोतले जनाएको छ।

जसपा नेपालका अध्यक्ष उपेन्द्र यादवले जनमत पार्टीका अध्यक्ष डाक्टर सीके राउतलाई बाइपास गरी विश्वविद्यालय भवनको शिलान्यास गरेको भन्दै दुवै पार्टीबीच चरम विवाद छ। दुई पार्टीको लडाइँले विश्वविद्यालय लथालिङ्ग बनेको छ।

जनमत पार्टीका सतिश कुमार सिंह मुख्यमन्त्री बनेपछि विश्वविद्यालयमा अनियमितता भएको भन्दै त्यस बिषयमा अनुसन्धान गर्न छानबिन समिति बनाएको थियो।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।