सप्तरीको सप्तकोशीमा बाघले आक्रमण गर्दा ३ जना घाइते, बाघ धपाउने प्रयास जारी
राजबिराज । सप्तरीको सप्तकोशी नगरपालिका वडा नं १ मा बाघको आक्रमणमा परि ३ जना घाइते भएका छन । घाइते हुनेमा स्थानीय ६० वर्षीय गणेश खत्री, ५० वर्षीय कृष्ण विष्ट र रिजना गोसाई रहेका छन ।
सोमवार बिहान बाघ गाँउमा पसेको स्थानीयले बताएका छन ।
आक्रमण परि गम्भिर घाइते भएका कृष्ण बिष्ट र रिजना गोसाईफत्तेपुर मोडल हस्पिटलमा प्राथमिक उपचार पछि थप उपचारकोलागि बिराटनगर लगिएको छ ।
ईलाका प्रहरी कार्यालय कञ्चनपुरका डिएसपी महेन्द्र नेपालले गाउँको नजिकै रहेको वनबाट बाघ आएको हुन सक्ने बताए ।
डिएसपी नेपालका अनुसार अहिले नेपाल प्रहरी र कोशी टप्पु वन्यजन्तु आरक्षबाट आएको नेपाली सेनाको टोलिले बाघ धपाउने काम भईरहेको छ ।
बाघ स्थानीय एक फर्निचर कारखानामा पसेको स्थानीयले बताएका छन् ।
तपाईको प्रतिक्रिया