मदन रुन्चेको गोदाममा सशस्त्र प्रहरीको छापा, लाखौको सामान भंसार बुझाइयो

इसीमाना सम्वाददाता २०८१ माघ १४ गते १७: २० मा प्रकाशित 301 पटक पढिएको

बीरगंज । प्रस्तावित सीमा सुरक्षा गुल्म बीरगञ्जबाट खटिएको एक टोलीले सोमवार आदर्शनगर स्थित एक ट्रन्सपोर्टको गोदाममा छापामारी गरि राजस्व छली गरि भित्र्याइएको कपडा बरामद गरेको छ ।

नामुद तस्कर तस्कर मदन गुप्ता ऊर्फ रुन्चेले बीरगंज महानगरपालिकाको वडा नं १० आदर्शनगरमा सञ्चालन गर्दै आएको जय माँ दुर्गा करियरको गोदाम प्रहरीले छापा मारेको हो ।

May be an image of 7 people and text

छापमारीबाट लाखौंको अबैध समान बरामद गरेको छ।

प्रहरीले करिब ५१ लाख रकम बराबरको अबैध कपडा र हार्डवेयरका सामान बरामद गरेको छ ।

सशस्त्र प्रहरीका डिएसपी लोकेन्द्र सुब्बाको माण्डमा खटिएको टोलीले छापामारी गरि बरामद गरेको सामान आवश्यक कारवाहीकोलागि बीरगंज भन्सार कार्यालयमा पठाएको सशस्त्र प्रहरी बल १३ न. गणका सूचना अधिकारी नरेन्द्र धामीले बताए ।

स्थानीय प्रशासन तथा केन्द्रीय सत्तामा जस्तो सुकै बदलाव आएपनि मदन रुन्चेको अनधिकृत कारोवार कहिल्यै अवरुद्ध नभएको भाष्य स्थापित थियो ।

स्थानीय प्रशासनले तस्करी रोकिएको दावी गरिरहेकै अवस्थामा रुन्चेको गोदाममा गरिएको यो छापामारीले धरै कुरा बोलेको छ ।

गत वर्षको चैत ८ गते नेपाल प्रहरीले रुन्चेको यही ट्रान्सर्पोटको गोदाममा छापामारी गरि १८ लाख रुपैया भन्दा बढीको अवैध कपडा बरामद गरेको थियो ।

May be an image of 4 people and text

त्यतीबेला रक्सौलबाट कपडा लोड गरेर बीरगंज तर्फ आउदै गरेको अटोलाई प्रहरीले पछ्याएको थियो । दैनीक अटोमा कपडा र अन्य सामान भंसार छलेर ल्याउने र भण्डार गरिन्थ्यो ।

अनधिकृत कारोवारमा संलग्न रुन्चेको पहुच माथिसम्म रहेकोले उनको कारोवार कहिल्यै पनि बन्द नहुने गरेको अन्यहरुश्र बताउछन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।