बीरगंजका सर्राफको हत्यामा संलग्न रक्सौलका गुप्ता पक्राउ, श्रीमतीको मलिीभगतमा हत्या भएको खुलासा

इसीमाना सम्वाददाता २०८१ कार्तिक ७ गते ०१: ४६ मा प्रकाशित 310 पटक पढिएको

कलैया । बीरेन्द्र साह हत्या प्रकरणका मुख्य आरोपी बिजय गुप्तालाई प्रहरीले पक्राउ गरेको छ ।

उनलाई बीरगंजको इनर्वा नजिकबाट पक्राउ गरेको बारा प्रहरीले जनाएको छ । वीरगन्ज महानगरपालिका ३ छपकैयाका २६ वर्षीय वीरेन्द्र साह सोनारको असोज २७ गते हत्या भएको थियो ।

मृतक साहको पत्नी मनिषा देवी भने कार्तिक २ गते देखी नै हिरासतमा छिन । उनको शव बाराको प्रसौनी गाउँपालिका १ त्रिवेणी गाउँको त्रिवेणी खोलासँगै रहेको गण्डक नहर छेउमा कार्तिक २ गते फेला परेको थियो ।

रक्सौलको परेवागाउँका २८ वर्षीय विजय गुप्ता र मृतकको श्रीमती मनिषा देवीको मिलीभगतमा साहको हत्या भएको प्रारम्भिक अनुसन्धान बाट खुलेको प्रहरीले जनाएको छ । बाराका प्रहरी प्रमुख प्रहरी उपरिक्षक महेन्द्र खड्काका अनुसार आरोपी गुप्ताले हत्या आरोप स्वीकार गरेका छन ।

आरोपी विजय, मृतक वीरेन्द्र र उनकी पत्नी मनिषा वीरगन्ज घरमा सँगै बस्दै आएका थिए ।

विजय र मृतक वीरेन्द्र घरबाट सँगै मेला हेर्न बाइकमा निस्केका थिए । संगै निस्केका उनीहरु मध्य साह बेपत्ता भएका थिए । उनी बेपत्ता भएपछि साहको खोजी गरिदिन भन्दै निवेदन लिएर मनिषा र गुप्ता संगै जिल्ला प्रहरी कार्यालय पर्सामा गएका थिए ।

साहलाई हत्या गरि छोडेको स्थानको सूचना गुप्ताले नै मनिषालाई दिएका थिए ।

गुप्ता घटनास्थलको सूचना दिएर भारत तर्फ भागेका थिए । गुप्ताले पर्साको बहुदरमाइृबाट समेत नागरिकता लिएका छन । उनले आफूनो ठेगाना त्यहीको बताएको प्रहरीले जनाएको छ । बारा प्रहरीले घटना बारे थप अनुसन्धान भइरहेको जनाएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।