पार्टी सभापति लामिछानेको गिरफ्तारी बिरुद्ध बीरगंजमा प्रर्दशन, बिना शर्त रिहाईको माँग

इसीमाना सम्वाददाता २०८१ कार्तिक ३ गते ०९: ३२ मा प्रकाशित 206 पटक पढिएको

वीरगञ्ज । राष्ट्रिय स्वतन्त्र पार्टी पर्साले बीरगंजमा शनिवार बिरोध प्रर्दशन गरेको छ । पार्टीका सभापति रवि लामिछाने गिरफ्तारी बिरुद्ध पार्टीको पर्सा जिल्ला कमिटीले शनिबार बीरगंजमा विरोध प्रदर्शन गरेको हो ।

रास्वपा पर्साले वीरगञ्जको घण्टाघरबाट निकालेको र्‍याली माईस्थान, आदर्शनगर, गीता मन्दिर हुँदै पुनः घण्टाघरमै गएर कोणसभामा परिणत भएको थियो।

र्‍यालीमा सहभागी भएका रास्वपाका कार्यकर्ताहरुले ‘भ्रष्टाचारी सरकार मुर्दावाद, राजनीतिक प्रतिशोध साध्न पाइँदैन, अधिनायकवाद चल्दैन, कानुनको दुरुपयोग गर्न पाइँदैन’लगायतका नारा लेखिएका प्लेकार्ड बोकेका थिए।

र्‍यालीपछि कोण सभालाई सम्बोधन गर्दै रास्वापाका केन्द्रीय सदस्य डा. नन्दन यादवले तानशाही शसकहरुले पतनको समयमा यस्ता कार्यहरु गर्ने गरेको बताए। रवि लामिछानेलाई पक्राउ गरेर सरकारले आफ्नो नांगोपन देखाएको उनको भनाइ थियो।

यस्तै, रास्वपा पर्साका सभापति हरि पन्तले शब्दको जालमा खेलेर घुमाउरो बाटोबाट लामिछानेलाई पक्राउ गरिएको बताए। उनले राजनीतिक प्रतिशोध साँधेर सरकारले अराजनीतिक कदम चालेको बताए ।

उनले पार्टी सभापतिलाई तत्काल बिना शर्त रिहा गर्नुपर्ने माग गरेका छन् ।रास्वपा पर्सा जिल्ला संयोजक हरि पन्तको नेतृत्वमा क्लासिक ब्याङ्क्वीटबाट जुलुस निकालिएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।