संस्थागत क्षमता मूल्याङ्कनमा बीरगंज अन्तिममा,पर्सामा ठोरी बारामा परवानीपुर अब्बल

इसीमाना सम्वाददाता २०८१ भदौ २२ गते ०७: ५७ मा प्रकाशित 246 पटक पढिएको

तस्विर बायाँबाटः परावनीपुर गाँपालिकाका अध्यक्ष राम क्षेत्री पटेल, ठोरी गाउापालिकाका अध्यक्ष लाल बहादुर श्रेष्ठ र कलैया उपमहानगरपालिकाका प्रमुख बिनोद साह

बीरगंज । संघीय मामिला तथा सामान्य प्रशासन मन्त्रालयले आर्थिक बर्ष २०७९/०८० को संस्थागत क्षमता (लिजा) मूल्याङ्कन सार्वजनीक गरेको छ ।

मंत्रालयले प्रकाशीत गरेको नतिजा अनुसार देश भरिका ६ महानगर मध्य बीरगंज महानगपालिका मूल्याकंनमा अन्तिम ६ मा परेको छ ।

शासकीय प्रबन्ध, संगठन तथा प्रशासन, बार्षिक बजेट तथा योजना तर्जुमा व्यवस्थापन, वितीय एवम् आर्थिक व्यवस्थापन, सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण तथा विपद् व्यवस्थापन, सहकार्य तथा समन्वय मूल्याकंनका सूचक हुन ।

यही सूचकको आधारमा सार्वजनीक गरिएको नतिजमा ललितपुर महानगरपालिका पहिलो स्थानमा छ । उसले ८४.५ अंक पाएको छ ।

भरतपुर दोश्रो ८३.२५ , बिराटनगर तेश्रो ८२.५ पोखरा चौथो ८०.२५ पांचौ काठमाण्डौं ७७.५ र अन्तिममा बीरगंज महानगरपालिका ५९.५ अंक ल्याउन सफल भएका छन ।

पर्साको ठोरी गाउँपालिका यस वर्षको मूल्याकनमा पनि पहिलो स्थानमा रहेको छ ।

गत वर्ष पनि ठोरी पर्साको पहिलो स्थानमा थियो । बारामा यसपटक कलैया उपमहानगरपालिका पहिलो स्थानमा छ । गत वर्षपनि पालिकाहरुमा परवानीपुर गाउँपालिका पहिलो स्थानमै थियो ।

समग्रमा भने बारमा परवानीपुर गाउँपालिका दोश्रो स्थानमा छ । यद्धपी पालिकाहरुमा परवानीपुर कार्य सम्पदान मूल्याकंनमा पहिलो नै हो ।

पर्सामा ठोरी पछि पर्सागढी नगरपालिका दोश्रो, तेश्रोमा जगरनाथपुर गाउँपालिका रहेको छ ।

बहुदरमाई नगरपालिका चौथोे ,पकाहा मैनपुर पाँचौं ,जिराभवानी छैठौ. पोखरिया सातौ स्थानमा रहेको छ । छिपहरमाई आठौै सखुवा प्रसौनी नवौ बिन्दावासीनी दशौ स्थानमा रहेका छन ।

छैठौं स्थान देखीकाले प्राप्त गरेको अंक भार भने ४५ भन्दा कम रहेको छ । पटेर्वासुगौली ३९, कालिकामाई ३१, धोविनी २५ अंक प्राप्त गरेर कार्यसम्पादन मूल्याकनमा पछाडि रहेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।