बीरगंज । एपेक्स म्यानेजमेन्ट कलेजले यो शैक्षीक सत्र बाट बिबिए (ब्याचलर इन बिजनेश एडमिनिस्ट्रेशन) कक्षा संचालन गर्ने भएको छ । कलेजले कक्षा संचालनका बिषयमा शुक्रवार पत्रकार सम्मेलनको आयोजना गरेर जानकारी गराएको हो ।

बिबिए कक्षा संचालनकालागि कलेजले सुदुरपश्चिम बिश्वबिद्यालयबाट सम्बन्धन पाएको कलेजका अध्यक्ष डा.दीपेन्द्र चौधरीले जानकारी दिए । यो वर्ष ६६ बिद्यार्थी भर्नाकालागि इजाजत प्राप्त भएको उनले बताए ।

बीरगंजमा ठाकुरराम बहुमुखी क्याम्पस बीरगंज र बिआइएमले बिबिए कक्षा संचालन गरिरहेका छन । दुबै कलेजमा ६६ जना बिद्यार्थीले भर्ना पाउने गरेका छन । स्नातक तहम बीरगंजमाा हरेक शैक्षीक सत्रमा ६ सय देखी १ हजार सम्म बिद्यार्थी बिबिए अध्ययनकालागि प्रवेश परिक्षामा सहभागि हुन्छन त्यस मध्य थोरैले मात्र अध्ययनको अवसर पाउने गरेकोमा एपेक्स म्यानेजमेन्टले बिबिए कक्षा संचालन गर्दा बिद्यार्थीले केही राहत पाउने भएका छन ।

बिबिएमा भर्ना नपाउदा धेरै नेपाली बिद्यार्थी अध्ययनकालागि भारत जान बाध्य बनाइएका छन । नेपाल पत्रकार महासंघका केन्द्रीय सदस्य के.सी.लामिछाने बिद्यार्थीले बीरगंजमै गुणात्मक शिक्षा पाउने वतावरण कसरी बन्छ भन्ने बिषयमा सोच्नु पर्ने बताउछन ।

उनले बीरगंजका राजनीतिक नेतृत्व, नागरिक समाजका बिभिन्न सरोरकार समुहहरु किन यो बिषयमा छलफल बहस चलाउदैनन भन्दै प्रश्न गरे । उनले पत्रकारिताको माध्यमले पनि यो बिषयमा कलम चलाउन आवश्यक रहेको चर्चा गर्दै बिश्वबिद्यालयहरु बीरगंजको आवश्यक पुरा गर्न बिद्यार्थी भर्नाको संख्या बढाउन किन तयार छैनन यो कुरा उठाउन आवश्यक रहेको बताए ।

बीरगंज कलेजको भातृसंस्थाको रुपमा रहेको एपेक्स म्यानजेजमेन्ट कलेजले भाद्र ३१ गते प्रवेश परिक्षा लिने कार्यतालिका सार्वजनीक गरेको छ । त्यसकोलागि भाद्र २५ सम्मा फारम भर्नु पर्ने छ ।

भाद्र १५ देखी कलेजले बिद्यार्थीकालागि प्रवेश परिक्षाको तयारी कक्षा समेत संचालन गर्ने डा. चौधरीले बताए । ब्यवहारिक पद्धतीमा अध्यापन गराइने बिबिएमा भर्ना भएका बिद्यार्थीलाई ल्यापटप कलेजले उपलब्ध गराउने भएको छ ।

कलेजले बिबिएको ८ सेमेस्टर अर्थात ४ वर्षकालागि ४ लाख ५० हजार रुपैया शुल्क निर्धारण गरेको छ ।
बिश्वबिद्यालयले दिने छात्रबृतिका अलावा पत्रकार वा उनीहरुका सन्तानलाई पनि बिशेष छुट दिइने डा. चौधरी कलेजको योजना रहेको बताए ।

कलेजले बिबिए कार्यक्रम संचालनका बिषयमा शुक्रवार बीरगंजमा पत्रकार सम्मेलनको अयोजना गरेको थियो भने लगत्तै बीरगंजका नागरिक समाजका प्रतिनिधिहरुको उपस्थितिमा बिबिए लन्चीङ एभेन्ट संचालन गरेको थियो । जसको उद्धघाटन नेपाल उधोगा वाणिज्य महासंघका केन्द्रीय सदस्य डा.सुवोध गुप्ताले गरेका थिए ।

कार्यक्रममा जनमत पार्टीका पर्सा अध्यक्ष ओम प्रकाश सर्राफ, ठाकुरराम बहुमुखी क्याम्पसका पूर्व सहायक क्याम्पस प्रमुख उधोग वाणिज्य संघका अध्यक्ष अनिल पटवारी,सिए संदीप रौनीयार उपाध्यक्ष हरी गौतम लगायतले शुभकामना मन्तब्य ब्यक्त गरेका थिए । कार्यक्रमको संचालन कृष्णले गरेका थिए ।