बीरगंज । परवानीपुर गाउँपालिकाका अध्यक्ष राम क्षेत्री कुर्मीले जनताको प्रथामिकता नै आफूहरुको प्रथामिकता रहेको बताएका छन । सामाजिक परिक्षणको प्रारम्भिक प्रतिवेदनका बिषयमा भएको छलफललाई सम्बोधन गर्दै उनले यस्तो बताएका हुन ।

उनले जनतालाई न्यायधीशको संज्ञा दिदै आफूहरु सेवक भएको बताए । हामीले गरेको सेवाको बिषयमा जनताले न्यायधीशको रुपमा फैसला गर्ने उनको भनाई छ ।

उनले जनतालाई ऐनाको उपमा दिदै जनप्रतिनिधिहरुले आफनो अनुहार कस्तो भयो भनेर जनतारुपी ऐनामा हेर्नु पर्ने बताए ।

जनप्रतिनिधिहरु रुपवान छन की कुरुप भइसके त्यो थाहा पाउन जनतारुपी ऐना हेर्नु पर्छ उनले भने “अनुहारमा चाउरी परेको, कुरुप भईसकेकाले ऐना हेर्न चाहदैन तर हामी जनतारुपी ऐनामा पटक पटक आफूलाई हेर्ने गर्दछौ” ।

अध्यक्ष कुर्मीले जनप्रतिनिधिहरुले राम्रो गरेका छन की छैनन भन्ने कुराको पुष्टि जनताले गर्ने बताए । उनले कार्यालयका शाखा प्रमुखहरु वडा सचिव र जनप्रतिनिधिलाई आपसी समन्वयका आधारमा काम गर्न आग्ह गरे ।

जनताले सेवा प्राप्तीको अनुभूती गर्न सकेनन भने हाम्रो सेवा प्रभावकारी छैन भन्ने बुझ्नु पर्ने भन्दै उनले सेवा जनमुखी हुनु पर्छ भन्ने कुराको हेक्का सबैले राख्नु पर्ने बताए ।

उनले नीति तथा कार्यक्रम माफर्त पालिकाले तय गरेका योजनाहरुको कार्यान्वयन र त्यसको प्रभावकारीतको पनि लेखाजोखा जरुरी रहेको बताए ।

उनले बिद्यालयमा हरेक आवश्यकता पुरा गर्ने तर्फ पालिकाको ध्यान गइरहेको बताउदै शिक्षकहरुलाई आफनो घण्टीको समय कक्षाकोठामै ब्यतित गर्न आग्ह गरेका छन ।

कार्यक्रममा उपाध्यक्ष सुगान्धी देवीले पालिकाको लगानीको प्रतिफल जनताले कसरी अनुभूती गरेका छन भन्ने कुरा परिक्षणका क्रममा आएको प्रतिवेदनले केही बोलेको भन्दै सेवा प्रवाहमा अझै ध्यान दिइने बताइन ।

कार्यक्रममा अखिल नेपाल किसान महासंघका केन्द्रिय सचिब उमेश गुप्ताले सामाजिक परिक्षण मार्फत पालिकालाई राम्रो काम गर्नकालागि उत्प्रेरणा मिलेको बताए ।

उनले कतिपय ठाउँमा अतिक्रमण हटाउन खोज्दा नियतबस खुर्सानीको धुलो हालेर जनप्रतिनिधिलाई लखेटन खोजिएको थिए तर पालिकाले त्यसमा सफलता प्राप्त गरेको छ त्यो ठाउँमा वडा कार्यालय बनेर संचालनमा आएको बताए ।

उनले जनअपेक्षाका कामहरुमा पालिकाले सबैसंग हातेमालो गरेर अगाडि बढ्दा राम्रो हुने सुझाव दिए ।

उनले सामाजिक परिषण मार्फत पालिकाले उत्तरदायित्व ,नागरिक प्रतिको दायित्व निर्वाह र सुशासनको प्रत्याभूतीकालागि आफ्नो योगदान दिन तयार रहेको सन्देश प्रवाह गरेको भन्दै प्रशंसा गरेका थिए ।

कार्यक्रममा प्रमुख प्रशासकीय अधिकृत प्राण मेहताले सडक गुरु योजना, पोजना बैंकको निर्माणको दिशामा पालिकाले काम गर्ने बताए ।

उनले दीर्घकालीन नीतिको निर्माण तथा प्रथामिकताको निर्धारणमा पालिकाको ध्यान केन्द्रीत गएिको बताए । उनले पालिका कार्य सम्पादन मूल्याकंनमा मधेश प्रदेशमै उत्कृष्ठ स्थान हासिल गर्न सफल भएको बताए ।

कार्यक्रममा सामाजिक परिक्षणको उद्धेश्य त्यसको आवश्यकता र आचार संहितको बिषयमा नेपाल पत्रकार महासंघका केन्द्रीय सदस्य के.सी.लामिछानेले प्रकाश पारेका थिए । सहयोगी नेपालका अध्यक्ष तबरेज अहमदले प्रारम्भिक प्रतिवेदनले औल्याएका बिषयमा छलफल गरेका थिए ।

कार्यक्रममा बिभिन्न शाखाका प्रमुखहरु, बालक्लबका प्रतिनिधि, राजनीतिक दल तथा सामाजिक कार्यकर्ताले आ आफ्ना बिचार ब्यक्त गरेका थिए । कार्यक्रमको संचालन जितेन्द्र गिरीले गरेका थिए ।