बीरगंज । बीरगंज महानगरपालिकाको वडा नं १० मा स्काइलाइन इन्फ्रा प्रा.ली.ले निर्माण गरेको स्काईलाइन मल अर्काकै जमीनमा निर्माण भएको तथ्यले पुष्टि गर्दै ल्याएको छ ।

स्काइलाइन इन्फ्रा प्रा.ली.ले बीरगंज आदर्श नगर निर्माण समितिले अधिग्रहण गरेको दावी गरे पनि स्काइलाइन मल निर्माण भएको जमिन कहिल्यै कुनै सरकारी अड्र्डाले अधिग्रहण नगरेको तथ्य प्रकाशमा आएको छ ।

२०२९ साल असोज २ गते प्रकाशित राजपत्रको हवला दिदै आर्दश नगर निर्माण समितिको प्लटमा मल निर्माण गरिएको दावी गरिएको छ ।

तर मल निर्माण भएको जमिन अधिग्रहण नभएको, नगरिएको कुरा बीरगंज महानगरपालिकाले ७० सालमै मालपोत कार्यालय पर्सालाई पत्राचार गरेर बताई सकेको छ ।

राजपत्रमा के छ ?

श्री ५ को सरकारले २०२९ साल असोज २ गते प्रकाशति गरेको राजपत्रमा जग्गा अधिग्रहण सम्बन्धमा सूचना प्रकाशीत भएको छ ।

राजपत्रमा स्पष्ट रुपमा श्रीपुर गाँउ पंचायत अन्तरगत वडा नं ९ को पूर्व नाला , पश्चिम आदर्शनगरको सीमाना नथुनी कानुको नम्बरी जग्गा उत्तर घडीअर्वा पोखरी र अलौ सिंसिया जाने गोरेटो बाटो ,दक्षीण आर्दशनगरको नाली र सीमाना यती चार किल्ला भित्रको बिभिन्न कितामा रहेको ५ बिगाह ८ कठ्ठा १५ धुर जमिन अधिग्रहण हुने सूचना प्रकाशीत भएको छ ।

यही राजपत्रमा कि.न.१०५ र १५ अधिग्रहण गरिनु पर्ने गरि सूचना प्रकाशन भएको छैन । राजपत्रमा वडा नं ८ मै पनि यो किता नम्बर अधिग्रहण हुने कुरा उल्लेख छैन ।

राजपत्रको सूचनामा प्रकाशन नै नभएको किता कसरी आदर्श निर्माण समितिको प्लटको रुपमा कायम हुन्छ ? यो प्रश्न पनि अनुत्तरित छ । कुन अख्तियारीको आधारमा यो जग्गा प्लटमा कायम भयो ? २०२९ सालमा जग्गा अधिग्रहणको सूचना प्रकाशन भयो ।

तर महनगरले कहिले प्लट बनायो ? अधिग्रहण गर्दा सम्बन्धीत जग्गाधनीले जग्गाको मूल्य र अन्य नोक्सानी भए त्यसको समेत क्षतीपूर्ती पाउने कुरा त्यही सूचनामा उल्लेख छ ।

२०२३ साल बैशख २३ गते महावीर प्रसाद केडियाको नाममा दर्ता कायम किता नं १५ को अधिग्रहण गर्दा उनलाई तिरेको मूल्यको भर्पाई किन सार्वजनीक गरिदैन ।

०२९ सालमा अधिग्रहण भएको किता नं १५ को २ कठ्ठा ६ धुर जमिन मिति ०४४/३/४ गतेका दिन महावीर प्रसाद केडियाको नामवाट रुकमणी देवी केडियाको नाममा हक हस्तान्तरण भएको कुरा मालपोत कार्यालय बीरगंजको अभिलेखले बताउछ ।

बीरगंज मालपोत कार्यालयको स्रेस्तामा यो समाचार तयार पार्दा सम्म किता नं १५ रुकमणी देवी केडियाको नाममा सुरक्षीत छ । भूमाफियाले बाहिर बाहिर किर्ते कागज बनाएर यसको खरिद बिक्री त गरे तर मुल अड्डामा यसको दाखिल खारेज भने नभएको मालपोत कार्यालय स्रोतले जनाएको छ ।

अधिग्रहण नभएको जग्गा कसरी प्लटमा कायम भयो ?

सबै भन्दा पेचिलो प्रश्न यही हो र भू माफियाले धेरै मान्छेलाई गुमराहमा पार्न सफलता पाएको पनि यही अस्वीकृत प्लट हो । अस्वीकृत प्लट देखाएर जाली कागजात निर्माण गरि वास्तविक हकवालालाई जग्गाको हकभोगबाट बिस्थापित गरि अर्कोको नाममा जग्गा दर्ता गरिएको छ ।

यसो गर्न केही भूमाफिया , बीरगंज उपमहानगरपालिका र नापी कार्यालयका भ्रष्ट कर्मचारी यिनलाई संरक्षण गर्ने नेता तथा राजकीय निकायमा बसेका भ्रष्टहरुको भूमिका महत्वपूर्ण रहेको छ ।

एकपटक राजपत्रमा उल्लेख गरिएको सीमानाका बारेमा बिचार गरौ । उत्तरमा घडीअर्वा पोखरी, पश्चिममा नथुनी कानुको नम्बरी जग्गा र नगरसभागृह अगाडिको सिर्सिया तर्फ जाने बाटो , दक्षीणमा आदर्शनगरको नाला यो नाला पूजन होटेल र कटारुका भवनको वीचमा रहेको नाला हो यो नै जग्गा अधिग्रहणको दक्षीण तर्फको सीमा हो ।

पूर्व तर्फ हरिखेतान बहुमुखी क्याम्पस हुदै बग्ने नाला सीमाना हो । बिचारणीय कुरा त के छ भने स्काइलाइन इन्फ्रा प्रा.ली.ले निर्माण गरेको स्काइलाईन मल जग्गा अधिग्रहणको लागि तोकिएको माथि उल्लेख गरिएको चौहदी भन्दा बाहिर छ ।

दक्षीण पट्टीको नाला भन्दा दक्षीण एउटा किता, त्यस पछि बाटो अनी बल्ल स्काइलाइन मल । अर्थात अधिग्रहणको चौहदी भन्दा बाहिरको जमिन प्लटमा कसरी पुग्यो ? त्यो प्लटको बैधता कसले पुष्टि गर्ने हो ? राज्यका निकायहरु जिम्मेवार र जवाफदेह हुनु पर्नेमा अनियमितता र भूमाफियाको सेवक बनेर सुशासन माथि बज्रप्रहार गरिरहनु भन्दा प्लटहरुको बैधता सार्वजनीक गर्नु तर्फ लाग्न आवश्यक छ ।

हुदै नभएको प्लट देखाएर अर्काको सम्पती हड्पनेहरु को हुन ?

तत्कालीन बीरगंज नगर पंचायतले निर्माण गरेको आर्दश नगर निर्माण समितिको प्लटमा उल्लेख गरिएको प्लट न ८४०, ४१,४२, र ४३ अस्वीकृत प्लट हुन । अधिग्रहण गरेर दाखिल खारेज गरिएका किता होइनन । अवादी नभएर खाली रहेको आदर्शनगरमा नगर पंचायतले प्लट बनाएको मात्र हो ।

त्यसको बैधानिकता भने सुनिश्चत नभएको देखिन्छ । तर भूमाफियाले त्यही प्लट देखाएर एउटाको जग्गा अर्कोको नाममा बेच्ने काम गरेको छ त्यसको शिकार स्काइलाइन इन्फ्रा प्रा.ली. भएको देखिन्छ ।

स्काइलाइन इन्फ्रा प्र.ली.लाई जग्गा बेच्नेहरु नै यो माफिया करणका मुख्य पात्र हुन । लक्ष्मी कलवार भनेर चिनिने शम्भू कलवार मुख्य खेलाडी हुन भने निलम अग्रवाल अर्को पात्र हुन ।

अग्रवाल बीरगंज उधोग बाणिज्य संघका अध्यक्ष अनिल अग्रवाल की धर्मपत्नी हुन । यि बाहेक पनि राजकीय जिम्मेवारीमा रहेका ब्यक्तिहरु यो माफियाकरणका मतियार बनेका छन ।

त्यतीबेलाको उपमहानगर, महानगर नापी र मालपोतका कर्मचारी पनि भू माफियाको मतियार बनेर ब्यक्तिको सम्पती अपचलन गर्ने भ्रष्ट काममा लिप्त छन ।

भ्रष्टहरुकै कारण स्काइलाइन मल निर्माणको करिव ६ कठ्ठा क्षेत्रफलको स्वामित्वको कुरा गर्दा निखत परविन अनसारी र रुक्मणी देवी केडियाको स्वामित्य स्थापित हुने देखिन्छ ।

स्काइलाइन मल संग सम्बन्धीत समाचारहरु 

किर्ते लालपूर्जाको जगमा स्काइलाइनको आलिशान मल, एसवीआई र कुमारी र बैंकको करोडौ लगानी डुब्ने खतरा बढ्यो

https://esimana.com/headline/2024/07/20/172148517176783123.html

स्काइलाइन मलले भोग गरेको कि.न.१०५ को नालीबेली यस्तो छ ,तथ्यले भन्छन जालझेल र किर्ते भए जस्तो छ

https://esimana.com/headline/2024/07/26/172197949672787401.html