सबैभन्दा महंगो स्कूल दिल्ली पब्लिक स्कूलको बस तस्करीको सामान सहित भंसार पुग्यो

इसीमाना सम्वाददाता २०८१ सावन ५ गते १२: १४ मा प्रकाशित 224 पटक पढिएको

वीरगञ्ज । नेपालकै सबैभन्दा धनी उधोगपती बिनोद चौधरीको चौधरी ग्रुपद्वारा प्रर्वदित वीरगञ्ज स्थित दिल्ली पब्लिक स्कुलको तस्करीको सामान ओसारेको आरोपमा प्रहरीको नियन्त्रणा छ ।

दिल्ली पब्लिक स्कूल बीरगंजमा छिमेकी भारतको सीमावर्ती शहर रक्सौलका बिदार्थीहरु पनि अध्ययनरत रहेका छन । उनीहरुलाई ल्याउने र लैजाने काममा प्रयोग गएिको बस रक्सौलबाट बिद्यार्थी ओरालेर फर्किदा तस्करीको सामान सहित फर्किने गरेको रहस्य पनि सार्वजनीक भएको छ ।

सशस्त्र प्रहरीले तस्करीको सामान ल्याउने गरेको सूचना पाएपछि शुक्रवार दिल्ली पब्लिक स्कूलको बस भंसारको प्रवेशद्वार नजिक चेकजाँचमा परेको थियो ।

सशस्त्र प्रहरी बल, नेपाल प्रहरी सिमा सुरक्षा गुल्म वीरगञ्जले चेकजाँचको क्रममा बस भित्रबाट २ लाख ६३ हजार ७ सय रुपैया बराबरको कपडा तथा मोविल लगाएतका सामानहरु फेला परोको थियो ।

स्कुल बस भित्र भन्सार छलिका सामान भेटिएपछि चालक परवानीपुर गाउँपालिका वडा नम्बर ४ निवासी ३२ वर्षका किशोरी राम र वीरगञ्ज ११ श्रीपुर निवासी ४२ वर्षका सहचालक दिपक गिरीलाई नियन्त्रणमा लिइएको प्रहरीले जनाएको छ ।

भन्सार छलिका सामान ओसारपसारमा प्रयोग भएको स्कुल बस सहित ३२ लाख ६३ हजार ७ सय बराबरको सामान सहित चालक र सहचालकलाई आवश्यक कारवाहीका लागी वीरगञ्ज भन्सार कार्यालयमा बुझाइएको प्रहरीले जनाएको छ । यता दिल्ली पब्लिक स्कूलले भने यस बिषयमा आफनो औपचारिक धारणा भने सार्वजनीक गरेको छैन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।