देशको समृद्धिकालागि मुख्य पार्टीहरु साझा समझदारीका साथ अगाडि बढनु पर्छः एमालेका बरिष्ठ उपाध्यक्ष पोख्रेल

इसीमाना सम्बाददाता २०८१ बैशाख १८ गते ११: ३० मा प्रकाशित 423 पटक पढिएको

वीरगञ्ज । नेकपा एमालेका बरिष्ठ उपाध्यक्ष ईश्वर पोख्रेलले देशको बिकासकालागि जनताको समृद्धिकोलागि र मुलुकका मेजर पार्टीहरु साझा समझदारीकासाथ अगाडि बढनु पर्नेमा जोड दिएका छन ।

प्रेस चौतारी नेपाल पर्साद्वारा मंगलवार बिहान बीरगन्जमा आयोजीत पत्रकार सम्मेलन वरिष्ठ उपाध्यक्ष पोखरेलले देशको समृद्धिकालागि मुख्य पार्टीहरु एक ठाउँमा आउनु पर्ने आजको आवश्यकता भएको बताएका हुन ।

उनले अहिलेको सरकार परिर्वतनको कुरा हल्ला मात्र भएको बताए । नयाँ समीकरणबाट बनेको सरकारमा आन्तरिक खटपट नरहेकोले सरकार परिवर्तनको कुरा हल्ला मात्र भएको बताए ।अघिल्लो गठबन्धन अनुचीत थियो योजना बनाएर नै हामीले त्यसलाई तोड्यौं उनले भने तर अहिलेको सरकार फेरबदल हुने कुरा उचित पनि होइन र त्यो हुदैन पनि ।

उनले मुलुकको आर्थिक बिकास राष्ट्रिय स्वाभिमान र स्वतन्त्रताकालागि मुलुकमा नेकपा एमालेको नेतृत्व आवश्यक रहेको बताए । सामाजिक सदभाव कायम राख्न,कृषि पर्यटन उर्जा बिकास र आर्थिक क्षेत्रको मजबुतीकरण एमालेले जानेको उनले बताए । एमाले आर्थिक विकासका माध्यमले समृद्धितर्फ ठोस योजनाका साथ अगाडि बढी रहेको बरिष्ठ नेता पोख्रेलले बताए ।

गृहमन्त्री रवी लामिछानेको विवाद बारे सञ्चारकर्मीहरुले सोधेको प्रश्नमा वरिष्ठ उपाध्यक्ष पोखरेलले भने,‘ म मात्रै होइन हाम्रो पाटीले यदि ऊ दोषी छ भने त्यसको सत्यतथ्य अनुसन्धान गरेर कानुनी प्रक्रिया अगाडि बढाउन भनिरहेकै छ, त्यसमा हाम्रो कुनै रोकावट हुँदैन् । तर छानविन समिति अहिलेको आवश्यकता हो या होइन बुझ्न जरुरी छ, त्यही आधारलाई मूल्यांकलन गरेर हामी आफ्नो धारणा पनि दिइरहेका छौं ।’

पत्रकार सम्मेलनमा एमालेका सचिव ताप्लेजुङबाट प्रतिनिधि सभाका निर्वाचित साँसद एवं पूर्व मंत्री योगेश भट्टराइ, एमाले नेता अच्युत मैनाली, सांसद राजकुमार गुप्ता नेकपा एमालेका मधेश प्रदेशका सचिव मनोज पौडेल लगायतका नेताहरुकोको सहभागिता थियो ।

कार्यक्रम प्रेस चोतारी नेपाल पर्साका अध्यक्ष तुलसी भण्डारीको अध्यक्षतामा भएको थियो । एमालेका बरिष्ठ उपाध्यक्ष पोख्रेल नेकपा एमाले पर्साको नवौ जिल्ला अधिवेशनमा भाग लिन बीरगंज आएका हुन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।