पर्सा प्रहरी प्रमुखको छड्के, समातिए रकम असुल्ने ट्राफिक प्रहरी,संयुक्त चेकजाँच शुरु
स्केच फाइल
बीरगंज । मालवाहक सवारी साधनसंग अनधिकृत रुपमा रकम असुल गर्ने तीन जना ट्राफिक प्रहरीलाई जिल्ला ट्राफिक प्रहरी कार्यालय पर्सामा तानिएको छ । गत आइतवार राती जिल्ला प्रहरी कार्यालय पर्साका प्रहरी प्रमुख कुमोद ढुंगेलले परवानीपुरम छड्के अनुमगन गर्दा भारतीय माल वाहक सवारीसंग प्रति सवारी रकम असुल गरेको तथ्य फेला परेको हो ।
प्रहरी उपरिक्षक ढुंगेलले त्यही बेला नै परावानीपुर चेकिङ पोइन्टमा जिल्ला ट्राफिक प्रहरी कार्यालय पर्साका प्रमुख प्रहरी नीरिक्षक भास्कर अतिवडालाई बोलाएर ट्राफिक प्रहरीको बदमासीका बारेमा जानकारी गराएका थिए ।
ढुंगेलले प्रहरीको वर्दी लगाई सडकमा उभिएर मालवाहक गाडीका चालक मजदुरहरुसंग रकम लिने कुरा सहन गर्न नसकिने भन्दै पेशागत मर्यादा र कर्तब्य बिपरित काम गर्ने प्रहरीलाई कारवाही गर्न निर्देशन दिएका थिए ।
परवानीपुर ट्राफिक प्रहरी पोष्ट पनि नाजायज रकम असुली गर्ने ठाउँको रुपमा परिचित छ । स्रोतका अनुसार परवानीपुर पोष्टले दैनीक ६ हजार रुपैया प्रहरी नरिक्षकलाई बुझाउनु पर्ने बाध्यता रहेको दावी गरेको छ ।
हरेक पोष्टमा सरुवा भई जाने पोष्ट इन्चार्जले कार्यालय प्रमुखलाई दैनीक रुपमा रकम दिनु पर्ने बाध्यता सृजना गरेको आरोप खतिवडालाई लाग्दै आएको छ । भारतीय सवारी साधनका चालकहरुले पनि खुल्ला रुपमा ट्राफिक प्रहरीलाई रकम दिनु परेको बताउदै आएका छन ।
गत आइतवार जिल्ला प्रहरी कार्यालय पर्साका प्रहरी उपरिक्षक ढुंगेलले परवानीपुरमा सडकबाट ट्राफिक प्रहरीलाई हटाएर नेपाल प्रहरीका जवानलाई सडकमा डिउटी खटाएका थिए । डिउटीमा खटिएका प्रहरीले भारतीय सवारी साधनसंग कागजपत्र माँगेर हेर्न खोज्दा चालकहरुले कागजमै रकम राखेर दिएका थिए ।
उनीहरुले कागजात माग्ने प्रहरीलाई आफूहरुले यसैगरि रकम दिने गरेको खुलाएका थिए । सडकमा उभिएर ट्राफिक प्रहरीले रकम माँग गरे प्रहरीको प्रतिष्ठामै आँच पुर्याएको भन्दै प्रहरी उपरिक्षक ढुंगेलले नेपाल प्रहरी र ट्राफिक प्रहरीको संयुक्त डिउटीको ब्यवस्था मिलाउन निर्देशन दिए ।
स्रोतका अनुसार अहिले प्रहरीको संयुक्त टोलीले परवानीपुरमा चेकजाँच शुरु गरेको छ । प्रहरी निरिक्षक खतिवडाले प्रहरीहरु जिल्ला तानिएको बताए । उनले डिउटी फेला नपरेपछि जिल्ला तानिएको बताएका छन । उनले रकम असुलीको कुरा अस्वीकार गरेका छन ।
यद्धपी उनले एउटा अभिभावकलाई सबै कुरा थाहा नहुने भन्दै रकम उठाएको पनि हुन सक्ने कुरालाई नकार्न भने चाहेनन । कमाण्डरले संकेत नगर्दा सम्म तल्लो तहका प्रहरी कर्मचारीले पेशागत चरित्र र नैतिकतामा प्रश्न उठने गरि रकम असुल्ने काम गर्न नसक्ने एक प्रहरी अधिकृतले बताए ।
खतिवडाले यसरी उठेको रकम पथलैया स्थित ट्राफिक प्रहरी प्रमुख र मधेश प्रदेशका प्रहरी प्रमुखलाई समेत ब्यवस्थापन गर्ने गरेको स्रोतले दावी गरेको छ । जसले गर्दा खतिवडाले जति प्रश्न उठेपनि आफनो अभियान भने नछाडेको स्रोतको भनाई छ ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
रौतहटका १८ स्थानीय तहमध्ये ३ वटा पालिकाले ल्याउन सकेनन बजेट
चन्द्रपुर। रौतहट जिल्लाका १८ स्थानीय तहमध्ये ३ वटाले निर्धारित समयमा नीति तथा कार्यक्रम र बजेट प्रस्तुत गर्न सकेनन ।
जीतपुर सीमरा बाणिज्य संघको चुनावः ब्यवसायीहरुको सारथी बन्न बजगाईको स्वतन्त्र उम्मेदवारी
वीरगंज । जीतपुर सीमरा उधोग वाणिज्यसंघ निर्वाचन भोली असार ७ गते हुदैछ ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया