मदन रुन्चेको गोदाममा पर्सा प्रहरीको छापा, लाखौको सामान बरामद

इसीमाना सम्वाददाता २०८० चैत ८ गते ०९: ४६ मा प्रकाशित 3115 पटक पढिएको

बीरगंज । जिल्ला प्रहरी कार्यालय पर्साको एक टोलीले बिहिवारआदर्शनगर स्थित एक ट्रन्सपोर्टको गोदाममा छापामारी गरि राजस्व छली गरि भित्र्याइएको कपडा बरामद गरेको छ ।

नामुद तस्कर तस्कर मदन गुप्ता ऊर्फ रुन्चेले सञ्चालन गर्दै आएको जय माँ दुर्गा करियरको गोदाम प्रहरीले छापा मारेको हो प्रहरीले लाखौंको अबैध कपडा बरामद गरेको छ।

प्रहरीले २० लाख रकम बराबरको १८ पोका कपडा बरामद गरेको छ । पर्साका प्रहरी प्रवक्ता कुमार बिक्रम थापाले बरामद भएको कपडा बीरगंज भन्सार पठाउने तयारी भइरहेको जानकारी दिए ।

स्थानीय प्रशासन तथा केन्द्रीय सत्तामा जस्तो सबै बदलाव आएपनि मदन रुन्चेको अनधिकृत कारोवार कहिल्यै अवरुद्ध नभएको भाष्य स्थापित थियो । स्थानीय प्रशासनले तस्करी रोकिएको दावी गरिरहेकै अवस्थामा रुन्चेको भने

अण्डर सेटिङमा कारोवार चलिरहेको थियो । एउटा टेम्पोमा अण्डर सेटिङ पाँच पोका माल आउँछ । वीरगन्ज भन्सार कार्यालयको मुख्य नाका भएर रुन्चेको १० वटा टेम्पोले १०० पोका माल अबैध किसिमले थुपारेको हुन्छ।

राती ९ बजे पछी सो तस्करीको कपडा पोखरा काठमाडौंको लागी ट्रक भित्र लोड गरी पठाइन्छ।अहीले मदन रुन्चे खाटु श्यामको दर्शनको लागि भारतको राजस्थान गएका छन। ।