बिनको हत्यामा संलग्न रहेका तीन आरोपी प्रहरीद्वारा सार्वजनीक

इसीमाना सम्वाददाता २०८० असोज १६ गते ०७: ४१ मा प्रकाशित 647 पटक पढिएको

वीरगञ्ज । पर्साको जगरनाथपुर गाउँपालिकाकी कान्तीदेबी विनको हत्या प्रकरणमा संलग्न रहेको भन्दै प्रहरीले तीन जनालाई मंगलवार पत्रकार सम्मेलन मार्फत सार्वजनीक गरेको छ ।

१६ दिन पछि प्रहरीले मृतक विनकै नातामा पर्ने देवर लालबाबु विन,जेठाजुहरु चन्द्रिका राउत विन र अमीरीका राउत विनलाई सार्वजनिक गरेको हो ।

मृतकका छोरा अर्जुन मुखिया विनले दिएको किटानी जाहरीको आधारमा प्रहरीले पक्राउ परेका तीनैजनामाथि मुद्दा चलाएको पर्सा प्रहरी प्रमुख कोमल शाहले जनाए । उनका अनुसार तीनै जनामाथि कर्तव्य ज्यानको मुद्दा अन्तर्गत कारबाही प्रक्रिया अगाडि बढाइएको छ ।

प्रहरीले हत्यामा संलग्न आरोपीहरुको खोजीमा पोलीग्राफको प्रयोग गरेको थियो । पोलीग्राफले अनुसन्धान सुरु गरेपछि हत्यामा संलग्न रहेकाहरु आफूहरु नै हत्या गरेको स्वीकारे गरेका थिए ।

आरोपीहरु मृतकको घरमा चोरी गर्ने उद्धेश्यले गएका थिए । २ असोजको राती मृतकको घरको पछाडि ‘सुरुङ’ बनाइ उनको घरमा पसे । उनीहरुको पसेको थाहा पाएपछि बिनले होहल्ला गरिन र उनीहरुलाई चिनेको हुनाले पनि बिनको हत्या भएको प्रहरी अनुसन्धानले देखाएको छ । पहिचान खुल्ने डरले बिनको हत्या भएको प्रहरीको भनाई छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।