बुधवार बिहान र दिउसो कोरोना भाइरसको संक्रमणका कारण मृत्यु भएका दुईजनाको शव अहिले पनि अस्पतालमै रहेको छ ।

बीरगंजको रेशमकोठीका एक जना बृद्धको उपचारको क्रममा गण्डक अस्पतालमा र माइस्थान निवासी अर्का एक जना बृद्धको नेशनल मेडिकल कलेजमा उपचारको क्रममा निधन भएको थियो । दुबै जनाको शव अहिले पनि अस्पतालमा रहेको छ । 

यस अघि शव ब्यवस्थापनको जिम्मा पाएको नेपाली सेनाले जनताको तर्फबाट सास्ती खेप्नु परेको थियो । भेडाह खोलामा शद्गत गर्न खोज्यो स्थानीयको अवरोध, तिलावेमा गर्न खोज्यो त्यही अवरोध ।

अवरोधको सामना गर्दै आएको नेपाली सेनाले आदर्शनगरमा ब्यापार गरि बस्ने एक भारतीय नागरिकको मृत्यु पछि आधारातमा शंकराचार्य प्रवेशद्वाराको छेउमा लगेर शद्गत गर्नु  पर्यो ।

स्थानीय स्तरमा जनताले अवरोध गरेपछि शव ब्यवस्थापनको जिम्मा पुरा गर्दै आएको नेपाली सेना समेत अन्यौलमा परेको छ । स्थानीय राजनीति नेतृत्वमा  भाषण गर्ने र शवको ब्यवस्थापनलाई पनि राजनीतिकरण गरिदिने बिशेष कौशल देखा परेको छ ।

शव सद्गतकोलागि ठाउको ब्यवस्थापन समेत गर्न नसक्ने जनताका प्रतिनिधिको हवीगत देखेर सेना समेत अन्यौलमा परेको हो । 

  गण्डक अस्पतालको आकस्मिक कक्षमा २५ घण्टादेखि अलपत्र परेको शव ब्यवस्थापन नहुदा आकस्मिक कक्षमा अन्य बिरामीको चेकजाँच हुन सकेको छैन । 

यस अघि चिकित्सक डा.निरज सिंहले शव राख्ने मरच्यूरी क्याबिनेट विथ रेफरिज्रेटर (फ्रिजर)को ब्यवस्थापनकोलागि सरकारहरु र स्थानीय दाता पूजीपतीहरुलाई अपिल समेत गर्नु भएको थियो ।

मरच्यूरी क्याबिनेटको ब्यवस्था भएको भए शव ब्यवस्थापनमा एक दुई दिन समस्या आउदा समेत केही फरक पर्दैनथ्यो तर त्यो नहुदा समस्या देखिएको छ ।

डा.सिंहले मरच्यूरी क्याबिनेट काठमाण्डौमा पाउने बताउनु भयो । अहिले ७ लाख रुपैयामा बीरगंजमै डेलीभरी दिन्छ उहाँले भन्नु भयो “७ लाख रुपैया स्थानीय सरकार प्रदेश सरकार वा बीरगंजको निजी क्षेत्रकालागि ठुलो समस्या त होइन तर पहलकदमी किन नभएको हो बुझ्न सकेको छैन ।

उहाँले दुईटा क्यावनेट मात्र ल्याउन सक्ने हो भने पनि एउटा कोरोना संक्रमीतकोलागि अर्को सामान्य मृतक राख्नकोलागि प्रयोग गर्न सकनिे उहाँले बताउनु भयो । क्याबिनेट हुने हो भने आकस्मिक कक्षहरु फ्रि हुने र अन्य बिरामीले सही सेवा पाउने र वतावरण समेत स्वस्थ्य हुन सक्ने उहाँले बताउनु भयो ।

तर यति काम नभएको देख्दा डा.सिंह चिन्तित हुनुहुन्छ । स्थानीय प्रशासन र सरकारले कोरोनाको संक्रमण र यसले ल्याउने संकटलाई ख्यालठट्टामा लिएको जस्तो आफूले अनुभव गरेको उहाँले बताउनु भयो ।

बिपत ब्यवस्थापनका नाममा बैठक हुने छलफल हुने ति सबै कुरा कर्मकाण्ड पुरा गर्नकालागि हुने गरेको ब्यवहारमा पुष्टि हुदै गएको छ । मुख्यमंत्रीको उपस्थितिमा बीरगंजमा भब्य जलसाको आयोजना भयो । सबैले खतरा भाषण गरे । कानून निर्माण गर्ने बिधायीक अंगका मान्छेहरुले ठाउका ठाउँ आदेश जारी गरे ।

तर परिणाम हेदा दुईटा शव जाहा मृत्युवरण भयो २४ घण्टा बित्दा समेत त्यही छ । त्यो उठने छेकछन्द देखिदैन । भाषण गर्नेहरु सबैको ल्याकत यही देखिन्छ ।

मावनता कति सम्बेदनहिन हुदै गयो गाडिनकालागि ३ फिट जमिन पाउन गार्हो हुदैछ । मरेको मान्छेबाट कारोनाको संक्रमण फैलन्छ भन्ने कुरा पुष्टि भएको छैन । तैपनि जनतामा यो भय कसले हाल्यो ? जनताका प्रतिनिधिले जवाफ दिने बेला आएको छ ।