कोरोना भाइरसको संक्रमणका कारण बीरगंजमा ८५ वर्षिया महिलाको मृत्यु

7/24/2020 गते 00 00 मा प्रकाशित 831 पटक पढिएको

बीरगंजमा कोरोना भाइरसको संक्रमणबाट ८५ वर्षिया पतसिया देवीको मृत्यु भएको छ । गएको बुधवार उहाँमा श्वास प्रश्वासमा समस्या देखिएको थियो । बीरगंज महनगरपालिका वडा नं ११ श्रीपुर निवासी उहाँलाई बिहिवार बीरगंजको गण्डक अस्पतालमा संचालनमा रहेको कोभिड अस्पतालमा भर्ना गरिएको थियो ।

उहाँको उपचारको क्रममा शुक्रवार बिहान पौने सात बजे मृत्यु भएको अस्पतालका संयोजक डा.उदय नारायण सिंहले जानकारी दिनु भयो । उहाँमा श्वास प्रश्वास संगै मुटुको समस्या पनि रहेको डा. सिंहले बताउनु भयो ।

कोरोना भाइरसको संक्रमणको लक्षण देखिएका अन्य दुईजनालाई अस्पतालको आइसीयुमा राखेर उपचार भइरहेको डा. सिंहले बताउनु भयो ।

गएराती आएको रिपोर्टमा ५ जना भारतीय थुनामा समेत संक्रमण पुष्टि भएको पाइएको छ । कोरोना भाइरसको संक्रमण बीरगंजमा समुदाय स्तरमा देखिएको छ । खुला सीमा संक्रमणको चुनौी थियो नै आज त्यो पुष्टि भएको छ ।

बीरगंजको कोभिड अस्पतालमा अहिले ७५ जनाको उपचार भइरहेको छ । ७५ जना बिरामी अटाउने बेड क्षमताको कोभिड अस्पताल भरिएको यो बेलामा अरु कोही संक्रमीत देखिए काहा ब्यवस्थापन हुने भन्ने कुरा अर्को चुनौती पनि थपिएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।