निषेधाज्ञा,लकडाउन वा कर्फयुका बिषयमा बृहत् बैठकबाट निर्णय लिइने पर्सा सुरक्षा समितिको निर्णय

7/23/2020 गते 00 00 मा प्रकाशित 1163 पटक पढिएको

पर्साको समुदाय स्तरमा फैलिएको कोरोनाभाइरसको संक्रमण रोकथामकालागि आवश्यक निर्णय लिन स्थानीय प्रशासनले शुक्रवार ११ बजेकालागि बृहत बैठक बोलाएको छ ।

बैठकमा जनप्रतिनिधि ,राजनीतिक दलका प्रतिनिधि ब्यवसायी सहितको बैठकले कोरोना भाइरसको संक्रमणको रोकथामको निर्णय लिइने पर्साका सहायक प्रमुख जिल्ला अधिकारी ललित कुमार बस्नेतले जानकारी दिनु भयो ।

बैठकमा निषेधाज्ञा,लकडाउन वा कफ्र्यू के लगाउने भन्ने बिषयमा बृहत बैठक मार्फत निर्णय लिइने उहाँले जानकारी दिनु भयो ।

समुदाय स्तरमा कोरोना भाइरसको संक्रमण फैलिएको आशंका बढेको छ चिकित्सकले समुदाय स्तरमा संक्रमण फैलिएको बताइरहेको छन । सक्रमणलाई थप फैलिन नदिनकालागि मान्छेको आवागमन रोक्नु पर्ने हुन्छ ।

मान्छेको अवागमन र घुमफीरमा रोक लगाउन नसक्दा कोरोना भाइरसको संक्रमण रोकिने अवस्था नरहने अवस्था छ । यस बिषयमा जिल्ला सुरक्षा समितिको बिहिवारको बैठकमा गम्भिर छलफल भएको छ ।

पर्साका सहायक प्रमुख जिल्ला अधिकारी ललित कुमार बस्नेतले कोरोनाको संक्रमणको बिषय अव यो सबैको चासो बिषय भएकोले यसमा के गर्ने भन्ने बिषयमा सर्वपक्षीय बृहत बैठक के उचित हुन्छ सल्लाह अनुसार निर्णय गरिने बताउनु भयो ।

सीमा नकाबाट लुकछीपी मान्छेहरु प्रवेश गरेको गुनासो छ बस्नेतले भन्नु भयो“ शंकराचार्य हुदै आउनेलाई क्वारेन्टिनमा राख्ने र त्यो बाहेक अन्य ठाउबाट आउन जान आम मान्छेलाई रेक्ने गरि प्रवन्ध मिलाईने बताउनु भयो ।

उहाँले यो बीचमा बढी भन्दा बढी परिक्षण गरेर संक्रमीतहरुलाई आइसोलेट गर्ने तयारीमा आफूहरु लागेको बताउनु भयो । द्रुत र बढी परिक्षणकालागि मास टेस्टिङ गर्ने गरि स्रोत साधन र जनशक्ति ब्यवस्थापनमा ध्यान दिइने उहाँले बताउनु भयो ।

पछिल्लो समय पर्साका विभिन्न स्थानमा १७ जनामा संक्रमण देखिएसँगै पर्सामा समुदाय स्तरमा संक्रमण फैलिएको विज्ञहरुको भनाई छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।