घुस खाएको आरोपमा क्राइम टोलीमा रहेका प्रहरी कर्मचारी प्रदेश मुख्यालय झिकाइए

7/23/2020 गते 00 00 मा प्रकाशित 1163 पटक पढिएको

प्रदेश प्रहरी कार्यालय जनकपुरधामले बीरगंजमा घुमुवाको रुपमा परिचालती केही प्रहरी कर्मचारीलाई प्रदेश मुख्यालयमा झिकाएको छ । प्रहरी आचरण बिरुद्धको गतिविधि गरेको पाइएपछि उनीहरुलाई प्रदेश कार्यालयले झिकाएको हो ।

बीरगंजको क्राइमटोलीमा रहेर प्रहरी आचरण अनुसारको गतिविधि नगरेको आरोप लागेका प्रहरी नायब निरिक्षक मनोज ठाकुर सहित अन्य तीन जनालाई प्रदेशमा झिकाइएको प्रदेश प्रहरी कार्यालय स्रोतल जानकारी दिएको छ ।

जिल्ला प्रहरी कार्यालय पर्साका क्राइम हेर्ने प्रहरी निरिक्षक रबिभूषण यादवको संरक्षणमा प्रहरी आँचरण बिपरित अनधिकृत रुपमा तस्कर र अपराधीसंग मिलेर पैसा कमाउने धन्दामा लागेको आरोप ताएिका प्रहरी कर्मचारीमाथि लागेको छ ।

ठाकुर संगै अनिल राय,राजकिशोर र उपेन्द्र प्रसाद समेत तानिएको स्रोतले जनाएको छ ।

प्रदेश प्रहरी कार्यालयले अपराधको न्यूनीकरण र अपराधीलाई कानूनी दायरामा ल्याउने अभियान चलाई रहेको बेलोमा त्यसको प्रतिकूल हुने गरि प्रहरी संगठनलाई कमजोर बदनाम बनाउने काममा लागेको गुनसो आएपछि प्रदेश प्रहरी कार्यालय हर्कतमा उत्रिएको हो ।

आरोप लागेका प्रहरी कर्मचारीले कतिपय अवस्थामा अनधिकृत कारोवारीसंग लिएको पैसा समेत फिर्ता गर्नु परेको चर्चा अहिले बीरगंजमा ब्यपाक रुपमा चलिरहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।