नागरिकता बितरणमा अख्तियारको चासो, कार्यकक्षमा कसैलाई प्रवेश नदिन निर्देशन

इसीमाना सम्वाददाता २०८० असार १९ गते ०५: ३७ मा प्रकाशित 392 पटक पढिएको

वीरगञ्ज । पर्सामा नागरिकता बितरणमा अनियमितताको आशंकामा अख्तियारको टोलीले स्थलगत अनुगमन शुरु गरेको छ । अख्तियारको टोलीले प्रशासकीय अधिकृत बिनय श्रीवास्तवलाई सोधपुछ गर्नुका साथै कार्यकक्षमा अन्यकोहीलाई प्रवेश नदिन भनेको स्रोतले जनाएको छ ।

जिल्ला प्रशासन कार्यलय पर्सामा नागरिकता बनाउन आउनेहरुसँग आर्थिक चलखेल भईरहेको समाचार प्रकाशनअख्तिायर दुरुपयोग अनुसन्धान आयोगको चासो देखिएको हो ।

नयाँ ऐन अनुसार जन्मसिद्ध नागरिकका सन्तानले वंशज नागरिकता बनाउन जिल्ला प्रशासनमा भिड लाग्ने गरेको छ । जिल्ला प्रशासन कार्यालयले टोकन अनुसार नागरिकता वितरण गर्ने गरि ब्यवस्था मिलाएको छ ।

कतिपयले टोकन अनुसार काम नभएको र नागरिकता वितरणमा आर्थिक चलखेल भईरहेको उजुरी गरेपछि अख्तियार दुरुपयोग अनुसन्धान आयोगले स्थलगत रुपमा निगरानी गरेको हो।

पर्साका सहायक प्रमुख जिल्ला अधिकारी भिमकान्त पौडेलले अख्तियारको टोली नियमित अनुगमनको लागि आएको जानकारी दिए ।

राष्ट्रपति रामचन्द्र पौडेलले नागरिकता विद्येयक प्रमाणिकरण गरेसँगै जिल्ला प्रशासन कार्यलय पर्सामा पनि नागरिकता लिन आउनेहरुको सङख्यामा उल्लेख वृद्धि भई भिडभाड बढेकाले अख्तियारको टोली आएको बताइएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।