बिश्रामपुरमा गाँजाका कारोवारी भागे ,गाँजा जोगाउन निस्केका कलवार पिता पुत्र प्रहरीको खोरमा

7/22/2020 गते 00 00 मा प्रकाशित 2671 पटक पढिएको

बहुदरमाई नगरपालिकाको वडा नं ७ मा गाँजा कारोवारीलाई पक्राउ गर्न खोज्दा कारोवारीका सहयोगीहरुले प्रहरीलाई कुटपीट गरेका छन ।

बिश्रामपुरका लक्ष्मी कलवारलाई प्रहरीले गएराती गाँजा सहित पक्राउ गर्न खोज्दा शम्भु साह कलवार ध्रुब कलवार लगायतले अवरोध सृजना गरेका थिए । शम्भूले प्रहरीले नियन्त्रणमा लिएको गाँजा खोसेर आफनो घरमा लगेर राखेका थिए । शुरुमा प्रहरीको शक्ति भएकोले तस्करको पक्षबाट प्रहरी उपर हातपात गरिएको थियो ।

घटना स्थलमा प्रहरीको थप टोली पुगेपछि पनि शम्भू कलवारको नेतृत्वमा रहेको उनीहरुका आफन्तहरुले प्रहरीलाई अप्ठयारोमा पारेका थिए । प्रहरी उनीहरुको अवरोध हटाउन तीन राउण्ड हवाई फायर खोलेको थियो ।

प्रहरीले लक्ष्मी कलवारले बोकेको गाँजा बरामद गर्नकालागि शम्भू कलवारको घरमा छापामारी गरेको थियो । प्रहरीले शम्भुप्रसाद कलवार र निजका छोरालाई सात किलो गाँजासहित पक्राउ गरेको थियो । गाँजका बास्तविक तस्कर भने लक्ष्मी कलवार भएको स्रोतको दावी छ ।

प्रहरीले हवाइ फायर गरेर भीडलाई तितरबितर गरी बाउ–छोरालाई पक्राउ गरी फर्केको थियो।बहुदरमाई गापाको विश्रामपुर गाँजाको लागि प्रख्यात गाउँ हो। अहिले मकवानपुरको लोथर, मनहरीबाट जङ्गल बाटोबाट भित्रिने गाँजा भण्डारण गरी भारत पठाउने मुख्य केन्द्रमध्ये एक भएको छ।

बाउ छोरा दुबैलाई जिल्ला प्रहरी कार्यालय पर्साको हिरासतमा राखेर थप अनुसन्धान भइरहेको पर्सा प्रहरीले जनाएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।