रौतहटमा आमाछोरी मृत भेटिए, दाइजो नपाएको झोकमा हत्या भएको आशंका

इसीमाना सम्वाददाता २०८० असार १६ गते १२: ४५ मा प्रकाशित 322 पटक पढिएको

रौतहट । मौलापुर नगरपालिका वडा नम्बर ४ पतौराकी २४ कविता देवी साह उनकी छोरी २ वर्षकी आरुही कुमारी मृत फेला परेका छन ।

वालिका आरुही कुमारी पंखामा झुन्डयाईएको अवस्थामा र कविता कुमारीको शव घर बाहिर रहेको भर्याङ मुनि फेला परेको प्रहरी उपरीक्षक वीर बहादुर बुढामगरले बताए ।

घटना शनिवार बिहान करिव तीन बजे आसपास भएको त्यस बिषमा अनुसन्धान भइरहेको प्रहरी उपरीक्षक बुढामगरले बताए।
मृतक महिला एक एनजिओ मा सुपरभाइजर पदमा काम गर्दै आएको बताइएको छ ।

मृतकका पति धिरेन्द्र साह र ससुरा नागेन्द्र साह सहित परिवारका सदस्य घटना पछि फरार भएका छन ।

माधवनारायण नगरपालिका वडा नम्बर ५ मिठुअवा घर भएका मृतक कविता साहका बुवा विजय शंकर साहका अनुसार घटना वारे आफुलाई स्थानीय लखिन्द्र साहले फोन गरि जानकारी दिएको बताए ।

छोरी र ज्वाइँ बिच पटक पटक बिवाद हुदा आफुले मिलेर बस्न सम्झाई बुझाई गर्दै आएको बिजय ले बताए ।

ज्वाइँ धिरेन्द्र साह र सम्धी सहितका व्यक्ति मिली हत्या गरेको मृतक कविता साहको बुबाले आरोप लगाएका छन।
दाइजोमा थप नगद , सिक्री ,औंठी नदिएको रिसमा घटना गराएको माइती पक्षको आरोप छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।