बीरगंजको मुख्य बजार क्षेत्र जलमग्न ,पसलहरुमा पानी पस्यो

7/21/2020 गते 00 00 मा प्रकाशित 898 पटक पढिएको

निरन्तर परेको पानीका कारण बीरगंज जलमग्न बनेको छ । वीरगञ्जको मुख्य बजार क्षेत्र आर्दशनगर प्रशासनीक क्षेत्र गोश्वारा रोड श्रीपुर, पानीट्याङ्की १६ नम्बर वडाका बिभिन्न स्थानमा पानी जमेको हो ।

आर्दनगरमा पसलहरुमा पानी पसेको छ । बीरगंजको जमीन समथर र निकासका प्रवन्धहरु ठिक नभएको हुदा बीरगंजमा पानी जमेको हो । श्रीसिया नदीमै बीरगंजको ड्रेनको पानीको बिकास जोडिएको छ । नदीको सतह भरिएको र नदीको बहाव क्षेत्र अतिक्रमणमा परेका कारण पनि बीरगंज अलि बढी पानी पर्दा जलमग्न हुन्छ ।

श्रीपुर र जिल्ला प्रशासन रहेको गोश्वारा रोडमा पनि घर घरमा पानी पसेको छ । नगरपालिकाले विगतमा सफाइ अभियान चलाएर नाला सफाइ गर्ने गरेको थियो । तर जनप्रतिनिधि आएपछि नाला सफाइ नभएको गुनासो उनले गरे ।

बीरगञ्जको मुख्य नाला माथि कतिपय मानिसहरुले संरचना नै बनाएका छन् । क्लासिक होटल, हरिखेतान क्याम्पस मुनि नाला छ । पानीको निकास यस्तै ठाउमा रोकिएकोले पनि समस्या आइरहेको हो ।

झारपात माटो र अन्य फोहरले नाला भरिएकोले समस्या देखिएको उहाँले बताउनु भयो । एमडी १ नाम दिइएको मुख्य नाला सफाइका लागि १ करोड बजेट बिनियोजन गरेका छौं उहाँले भन्नु भयो टेन्डर मार्फत काम हुन्छ ।’

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।