महिलालाई ब्ल्याकमेल गरेको आरोपमा कुन्दन सिंह प्रहरी हिरासतमा,छुटाउन राजनीतक चलखेल

7/20/2020 गते 00 00 मा प्रकाशित 5349 पटक पढिएको

पर्सा प्रहरीले बीरगंज महानगरपालिका वडा नं १४ पिप्रा निवासी कुन्दन सिंह कुर्मीलाई फक्राउ गरेको छ । उनलाई बीरगंजबाट अपरान्ह प्रहरीले पक्राउ गरेको हो । एक जना महिलालाई दूब्यर्वहार तथा ब्ल्याकमेल गरेको आरोपमा कुर्मीलाई प्रहरीले पक्राउ गरेको स्रोतले जनायो ।

कुर्मीलाई जिल्ला प्रहरी कार्यालय पर्साको हिरासतमा राखेर अनुसन्धान शुरु गरिएको जनाइएको छ । सिंहबाट पीडित महिलाले प्रहरीलाई यस बिषयमा गुनासो गरेपछि प्रहरीले सिंहलाई पक्रेर हिरासतमा राखेको हो ।

पर्साको क्षेत्र नं १ का निर्वाचित साँसद प्रदीप यादवका सहयोगीका रुपमा चिनिएका सिंहलाई छुटाउन सांसद यादवका सर्मथकहरु जिल्ला प्रहरी कार्यालय पर्सामा पुगेका थिए । सिंहलाई छोडाउनकालागि राजनीतिक दवाव निकै सृजना गरिएको स्रोतको दावी छ ।

सिंहले ति महिलालाई केही दिन देखी ब्ल्याकमेल गर्दै आइरहेका थिए । महिलाले त्यस्तो नगर्न पटक पटक चेतावनी दिदा समेत सिंहले ति महिलालाई दुःख दिन छाडेका थिएनन । अती भएपछि महिलाले प्रहरी गुहार्नु भएको हो ।

महिलाको गुनासोको आधारमा प्रहरी नियन्त्रणमा पुगेका सिंहका बारेमा अनुसन्धान पछि मात्र कस्तो मुद्धा चल्ने भन्ने कुराको टुगो लाग्ने स्रोतले जनायो ।

महिलाका आफन्तले सुरक्षाको प्रवन्ध मिलाउन प्रहरीसंग आग्रह गरेका छन । राजनीतिक संरक्षण पाउने सिंहलाई जोगाउन राजनीतिक क्षेत्रबाट सबै प्रकारका हथकण्डाको प्रयोग हुने भएकोले महिलाको सुरक्षा प्रवन्ध प्रति आफन्तजनले चासो राखेका हुन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।