कापाल काटेर एकल महिलालाई गाउँ घुमाउने चारजना गिरफ्तार,न्याय पाउनु पर्ने उमादेवीको माँग

7/16/2020 गते 00 00 मा प्रकाशित 928 पटक पढिएको

४५ वर्षिया महिलालाई कपाल मुण्डन गरेर दुर्ब्यवहार गरेको आरोपमा प्रहरीले असार ३१ गते छिपमहरमाई गाउँपालका वडा नम्बर ३ का चारजनालाई पक्राउ गरेको छ ।

पक्राउ पर्नेमा ५५ वर्षिय मुनीलाल साह कानु, ४० बर्षीय राजदेव ठाकुर, ३५ बर्षकी इन्दुदेवी र ३२ बर्षकी सन्ध्यादेवी गरी चारजना रहेका छन ।

पर्साको छिपहरमाई गाउँपालिका वडा नं.३ छोटकी जयमंगलापुरमा बस्ने एकल महिला उमादेवी लाई ३१ गते बिहान ९ बजे कपाल काटेर चुना र कालोमोसो दलेर गाउँ घुमाएका थिए ।

उहाँलाई कपाल काटेर गाउँ परिक्रमा गराएको घटना सार्वजनिक भएपछि इलाका प्रहरी कार्यालय पोखरीयाबाट खटेको प्रहरीले उनीहरुलाई गिरफ्तार गरी जिल्ला प्रहरी कार्यालय पर्सामा बुझाएको छ ।

पीडित एकल महिलाको दुईवर्ष अगाडि पतिको मृत्यु भएको थियो । उहाँको ५ वटा छोरी र एक छोरा छन् । परिवारका सदस्यहरुको लालन–पालनको लागि अरुको घरमा काम गरेर आफ्नो जीविकोपार्जन गरिरहेको उहाँलाई भारतीय नागरिकसँग अनैतिक सम्बन्ध राखेको र बोक्सी भएको आरोप लगाउदै दुर्ब्यवहार गरिएको हो ।

दूब्र्यहार गर्नेहरुले ६ महिना अघि पनि उमादेवीलाई कुटपीट गरेका थिए । त्यतीबेला पनि महिला तथा वालवालिका सेलमा यो बिषयमा छलफल भएर मिलापत्र भएको थियो । तिनै ब्यक्तिहरुले अहिले अमानवीय रुपमा उमादेवीलाई अपमान गरेर यातना दिएका हुन ।

। घटनामा जिल्ला समन्य समितिका सदस्य सुवास साह कानु पनि संलग्न रहेको स्थानीयले बताएका छन । उनी लगायतका केही व्यक्तिहरु फरार रहेको प्रहरीले जनाएको छ ।

पीडित महिलाको बीरगंजको नारायणी अस्पतालमा स्वास्थ्य परिक्षण भइरहेको छ । उमादेवीले आफूलाई न्याय चाहिएको बताउनु भयो । उहाँले आफनो चरित्रमाथि प्रश्न उठाएर यातना दिएको बताउनु भयो । मलाई आफनो श्रीमान आफैले मारेको भन्छन उहाँले भन्नु भयो “ परपुरुष संग लागेको भन्छन अमानवीय ब्यवहार गर्छन मलाई न्याय दिनु प¥यो ।
प्रहरीले यस बिषयमा अनुसन्धान भइरहेको र दोषीलाई कानूनी कारावही हुने एसपी गंगा पन्तले बताउनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।