नारायणी अस्पतालमा पिसीआर परिक्षण गर्नकालागि प्रकाशीत सूचनाको बारेमा बीरगंज महानगरपालिकाले आफनो  ध्यानाकर्षण भएको जनाएको छ । 

स्वास्थ्य तथा जनसंख्या मन्त्रालयले असार २४ गते नारायणी अस्पतालसहित सबै प्रदेशमा एक एक अस्पताल गरि अन्य ६ वटा अस्पताललाई सःशुल्क पीसीआर परीक्षण सेवा दिन निर्देशन दिएको थियो ।

अस्पतालका मेडिकल सुपरिटेण्डेण्ट डा. मदन कुमार उपाध्यायले एक बिज्ञप्ति जारी प्रोटोकल भन्दा बाहिरका व्यक्तिहरुले आरटी पीसीआर गराउँदा ५ हजार ५ सय रुपैयाँ लाग्ने उल्लेख गर्नु भएको थियो ।

स्वास्थ्य आपतकालीन कार्यसञ्चालन केन्द्रका प्रमुख डा.समीरकुमार अधिकारीले निर्देशिका बाहेकका नमुना परीक्षणका लागि सम्पूर्ण परीक्षणको पच्चीस प्रतिशतमा नबढ्ने गरी शुल्क लिइने जानकारी दिनु भयो  ।

संघीय सरकारले नै प्रोटोकल भन्दा बाहिरका ब्यक्तिहरुले चाहेमा शुल्क लिएर परिक्षणको ब्यवस्था मिलाएको बिषयलाई लिएर बीरगंजमा सामाजिक संजाल मार्फत बीरगंज महानगरपालिका र महानगरप्रमुखका सन्दर्भमा नकारात्मक टिप्पणी भएपछि महानगर प्रमुखको सचिवालयले यस बिषयमा आफनो दृष्टिकोण सार्वजनीक गरेको छ । 

सचिवालयका तर्फबाट महानगर प्रमुख बिजय कुमार सरावगीका राजनीतिक सल्लाहकार मुकेश द्विवेदीले सामाजिक संजाल मार्फत सशुल्क कोरोना भाइरसको परिक्षणको सूचनासंग महानगरपालिकाको कुनै सरोकार नरहेको प्रष्ट पार्नु भएको छ ।

 केन्द्र सरकारको मातहतमा रहेको नारायणी अस्पतालले केन्द्र सरकारको स्वास्थ्य मंत्रालयको  निर्देशन अनुरुप सशुल्क परिक्षणको सूचना गरेको र त्यो केन्द्रीय सरकारको नीति रहेको स्पष्ट पार्नु भएको छ ।

उहाँले बीरगंज महानगरपालिकाले महानगर प्रमुख सरावगीको प्रतिवद्धता अनुरुप  कोरोना भाइरसको संक्रमणको परिक्षण निशुल्क गर्ने कुरा पून दोर्याउनु भएको छ । 

निशुल्क परिक्षणकालागि आवश्यक तयारी भएको राजनीतिक सल्लाहकार द्विवेदीले बताउनु भएको छ । वडाहरुमा स्वाब संकलन केन्द्र तोकिएको छ । अन्य ब्यवस्थाहरु पनि मिलाइएकोले आउने हप्ताबाट परिक्षण हुरु हुने उहाँले लेख्नु भएको छ ।

उहाँले महानगरवासीलाई आश्वस्त पार्दै एक घर एक सदस्यको कोरोना भाइरसको संक्रमण परिक्षण निशुल्क हुन्छ त्यस बिषयमा कुनै शंका नलिन समेत आग्रह गनुृ भएको छ । उहाँले नागरिक रक्षाकोलागि महानगर प्रमुख सरावगीले गर्नु भएको प्रतिवद्धता प्रति उहाँ अटल हुनुहुन्छ त्यस कारण यस बिषयमा कसैलाई पनि भ्रममा नपर्न उहाँले आग्रह गर्नु भएको छ ।

शुल्क सहितको पिसीआर परिक्षणको बिषयलाई लिएर महानगर प्रमुखको नाममा सामाजिक संजालमा जे जस्ता उडन्ते र हावादारी नकारात्मक टिप्पणी गरिएका छन महानगर प्रमुखको सचिवालयले सार्वजनीक गरेको यो दृष्टिकोणले त्यस्ता टिप्पणी र टिप्पणकर्तालाई जवाफ मिलेको छ ।