तस्विरमा देखिएको सडक पर्सा जिल्लाको उत्तरी क्षेत्रमा पर्ने जनता सडकको हो । पर्साको उत्तर तर्फ बाराको जीतपुर सीमरा उपमहानगरपालिकाको जीतपुर बजार देखी पश्चिम ठोरी सम्म पुग्ने जनता सडक निर्माण संगै भत्किन शुरु भएको थियो ।

 
जीतपुर देखी रंगपुर सम्मको यो सडक बिश्व बैंकको सहयोगमा (एसएनआरटीपी  ) परियोजनाको पहिलो फेजमा निर्माण भएको हो । 

जीतपुर देखी रंगपुर सम्मको १५ किलोमिटर सडक नेपालको चर्चित निर्माण कम्पनी पप्पु कन्सट्रक्शनले १५ करोड ८२ लाखमा ठेक्का सकार गरेर बनाएको हो । यो सडक जुन २०१७ मा निर्माण सम्पन्न भइसक्नु पर्ने थियो ।

निर्माण कम्पनीको ढिलाईका कारण (एस्एनआरटीपी) दोश्रो फेज रंगपुरदेखी सुवर्णपुर सम्मको करिब १७ किलोमिटरको सडक निर्माण गर्ने परियोजनाबाट बिश्व बैकले हात झिक्यो । २०१९ मा मात्र निर्माण सम्पन्न भएर हस्तान्तरण भएको सडक एक वर्ष नपुग्दै भत्किन थालेको छ ।

निर्माण भएको चार महिना नबित्दै सडक भत्कि थालेको थियो । त्यतीबेला पनि संचारमाध्यमले पप्पु कन्स्ट्रक्शनको गुणहिस्तरहिन निर्माणको बारेमा समाचार लेखेका थिए । जीतपुर अगाडिको टेढा गाउँमा स्थानीयले पप्पुका बिरुद्ध जुलुश नै निकालेका थिए । 

नेपालको चर्चित पप्पु कन्स्ट्रक्सनले ठेक्का पाएका देशका अधिकाशं सडक, पुल समयमा पुरा नभएको गुनासो सर्वेत्र छ । अझ, गुणस्तर हिन काम भएको त कयैन उदाहरणै छन् । त्यसमध्येको एउटा, पर्साको उत्तर पश्चिमी थारुवान क्षेत्रको जीवन रेखाको रुपमा रहेको जनता सडक । 

पर्सा जिल्लाको जनता सडकको कालोपत्र भत्किएर खाल्डो भई सवारी आवागमनमा समस्या भएको छ।   जीतपुर–रङ्गपुर हुँदै ठोरीसम्म सञ्चालित जनता सडकको कालोपत्र ठाउँ–ठाउँमा भत्किएको छ। 

    टेढा, मिलनचोक, सबैया, बडनिहार, मनवा, खजुरिया, रङ्गपुरलगायतका ठाउमा  सडक बिग्रिएको कारण सवारी आवागमनमा निकै समस्या भएको स्थानीयको भनाई छ । नेपालको यो चर्चित निर्माण कम्पनी पर्साकै हो ।

पर्साको क्षेत्र नं ३ बाट प्रतिनिधि सभामा निर्वाचित तर निर्माणको काममा भ्रष्टाचार गरेको आरोपमा निलम्बनमा परेका हरिनारायण रौनीयारले खडा गरेको कम्पनी हो पप्पु । ठेक्का लिने, बेलैमा काम नगर्ने  पप्पुको बिशेषता भएको ।

गुणस्तरहिन काम , ठेक्कादातालाई बिभिन्न समस्या देखाएर दैनीक पत्राचार गर्ने , साइटमा नागरिकलाई आन्दोलीत गराउने साइट क्लीयर छैन भन्ने देखाउने ,कामै नगर्ने गर्नु पर्दा ढिलो गर्ने जसका कारण जनताले सास्ती खेप्ने र नयाँ अवसर गुमाउने अवस्था बन्छ । पप्पु कन्सट्रक्शनले नेपाली जनतालाई यही दिएको छ ।

यतिवेला निलम्वित साँसद हारिनारायण रौनीयारले आफू कम्पनीबाट अलग भएर राजनीतिमा लागेको बताउने गर्नुृ भएको छ । उहाँले यसो भने पनि पप्पुसंग जोडिएका कतिपय काममा उहाँकै संलग्नता र सहभगिता भने जारी नै छ । उहाँले नेतृत्व लिदा पनि बिकासका काममा अवरोध सृजना भयो । अहिले उहाँका सुपुत्र सुमीत रौनीयारले कम्पनीको बागडोर समाते पनि कुरा उस्तै छन ।