जीवनमा सबै भन्दा बढी माया गरिएको मान्छे गुमाउनु पर्दाको पीडा बयान गरि साध्य हुदैन । अग्नीलाई साँची राखेर सात जुनीसम्म संगै हुने बाचा गरेको मान्छे नहुदाको पीडा भोग्नेलाई मात्र थाहा हुन्छ । अहिले यस्तै पीडामा छिन बीरगंज महानगरपालिका वडा नं २५ श्रीसियाकी    ममिता देवी पटेल । 

गएको बैशाख ८ गते राती उनको श्रीमानको हत्या भयो । श्रीमानको अभावमा दुई सन्तानको जिम्मेवारी लिएर जीवन सहज बनाउने कोशीस गरिरहेको बेलामा आजकल उनको निन्द्रा हराएको छ ।

अनुहार फूङगं उडेको छ । आँखा अझै पनि लोलाएकै छन  । उनको निन्द्रा उड्नुको कारण भने उनको पतिको हत्यामा संलग्न भएको आरोपमा पक्राउ परेका उनकै नातेदार ऋषिकेश कुर्मीका आफन्तजनले चलाएको हल्ला हो । 

ममिताका पति रवि पटेलको हत्यामा संलग्न भएको आरोप लागेका ऋषिकेश पटेल पूर्पक्षकोलागि थुनामा भएपनि उनका आफन्तले वकील न्यायधीश सबै मिलाएर ऋषिलाई छुटाउने तयारी गरिरहेको ममितालाई केहीले सुनाएका छन । जसले गर्दा उनी झनै चिन्तामा परेकी छिन ।

अदालतप्रति भरोसा त छ तर सबै कुरा किनेर भएपनि मिलाउने कुराले मेरो मन अशान्त र बिचलीत हुदैछ ममिताले भन्नु भयो “ आफनो मान्छे गुमाउनुको पीडा मलाई थाहा छ ,साना नानीहरु बाबा खै भन्छन त्यतीबेला मेरो भक्कानो फूटेर आउछ । 
जहिले देखी यस्तो कुरा मैले सुनेकी छु भोक छैन निन्द्रा छैन ममिताले भन्नु भयो “मैले सक्ने भए वकील न्यायधीश सबैलाई गुहार लगाउथे अकालमै मर्नु पर्ने मेरो श्रीमानको अपराध के थियो भनेर सोध्थे तर म त बिवश छु  ।

ममितादेवीले न्यायलय प्रतिको भरोस नटुटेको बताउनु भएको छ । मेरो श्रीमानको जीवन समाप्त गर्नेबाट केही रकम लिएर उसलाई उन्मुक्ति दिने कुरामा मलाई बिश्वास छैन । तर समाजमा जसरी साम दाम लगाएर ल्याउछौ भन्ने धाक  देखाउन थालिएको छ त्यसैले आफूलाई बेचैन बनाएको भने उहाँले बताउनु भयो । 

प्रहरी अनुसन्धानकोे क्रममा प्रहरीले जेठ १६ गते ऋषिकेश प्रसाद कुर्मीलाई गिरफ्तार गरेको थियो । प्रहरीलाई प्रारम्भिक बयान दिने क्रममा कुर्मीले  नगर बिस्तारको  बाउन्न बिघा चौकमा नजिक चौरमा  बसेर  रक्साी खायौ र पछि फेरी रबी र म भेटने सल्लाह गरि साढे सात बजे हड्यिौ भनेका छन । प्रहरीले यो बिषयलाई   नजरअन्दाज गरेको देखिन्छ ।

कुर्मीले दिएको बयानमा धेरै तथ्यहरु सत्य नभएको देखिन्छ । पोलीग्राफ टेस्टले समेत कुर्मीले झूटो बोलेको तथ्य देखाएको छ । कुर्मीका काकाले समेत रातको ११ बजेर २१ मिनेटमा कुर्मी घर फर्किएको देखेको बयान दिनु भएको छ । बयानका क्रममा प्रहरीले जतिब्यक्तिसंग बयान लिएको छ ति सबैको बयानले कुर्मी तर्फनै संकेत गरेको देखिन्छ ।

तथ्य र प्रमाणले देखाएकै आधारमा कुर्मीलाई पर्सा जिल्ला अदालतले पूर्पक्षकालागि थुनामा राख्ने आदेश गरेको मिसिलबाट देखिन्छ ।

मृतक पटेलको श्रीमती ममिता देवीले आफनो जाहेरीमा लेनदेनको बिषयको समेत खुलासा गर्नु भएको छ । रबीका बुवाले आफनो जग्गा जमिन बेचेर ८० लाख रुपैया राखेको र त्यही पैसा मागेर ब्याजमा लगाउ भन्दै कुर्मीले रविलाई दवाव दिने गरेको समेत अहिले ब्यापक चर्चामा छ । घटनाका बिषयमा जानकारी भएकाहरु छन तर ज्यान जोखिममा पर्ने डरले उनीहरु बाहिर नआएको समेत स्थानीयले दावी गरेका छन । प्रहरीले सुरक्षाको बिश्वास दिलाएर अनुसन्धान थप तथ्यपूर्ण बनाउन सक्नु पर्छ ।