नेपाली कांग्रेसका पूर्व केन्द्रीय सदस्य एवं पूर्वमंत्री सुरेन्द्र प्रसाद चौधरीले प्रधानमंत्री केपी शार्मा ओलीको भनाईलाई बल पुग्ने गरि सामाजिक संजालमा प्रतिक्रिया सर्वाजनीक गर्नु भएको छ । 

प्रधानमंत्री ओलीले असार १४ गते मदन भण्डारी फाउण्डेशनले आयोजना गरेको कार्यmक्रममा आफूलाई प्रधानमंत्रीबाट हटाउनकालागि भारत लागेको  कुराको वकालत भारतीय संचारमाध्यमले गरेको बताउनु भएको थियो । प्रधानमंत्रीको यो भनाईले सत्तारुढ नेकपा अहिले पनि तरंगीत छ ।

ठिक यही बेलामा नेपाली कांग्रेसको राजनीतिमा स्थापित हस्ती पूर्व मंत्री चौधरीको प्रतिक्रियाले पनि सीमाञ्चल सहित देशको राजनीतिलाई तरंगीत बनाउन सफल भएको  छ  । 

नेकपा भित्रै प्रधानमंत्री केपी ओलीलाई प्रधानमंत्री र पार्टी अध्यक्षबाट राजीनामा माँग गरिएको  अवस्थामा  प्रतिपक्षी नेपाली कांग्रेसका एउटा स्थापित मधेशको नेताले प्रधानमंत्रीमा केपी ओलीको बिकल्प अरु नभएको ठोस प्रतिक्रिया दिनु भएको छ । उहाँले केपीओलीको बिरोध गर्नेहरु नेकपा भित्रकै भएपनि उनीहरु भारतबाट परिचालीत भएको ठोकुवा गर्नु भएको छ । 

राष्ट्र, राष्ट्रियत र अन्य सवालमा केपीओलीले लिएको राष्ट्रवादी अडानले भारतको टाउको दुखाई भइरहेको बेलामा ओलीलाई प्रधानमंत्रीबाट हटाउन खोज्नुले भारतीय स्वार्थकै सेवा गरेको देखिने कुरालाई पूर्वमंत्री चौधरीको टिप्पणीले बल पु¥याएको छ । 
बौद्धिक नेताको रुपमा परिचित चौधरीले अहिले केपी ओलीको अवश्यकता देख्नुलाई अर्थपूर्ण रुपमा लिइएको छ । 
सामाजिक संजालमा नेता चौधरीलाई बिभिन्न सवालहरु पनि गरिएको छ ।

तपाई कहाको समर्थन गर्नु हुन्छ भारत कि चाईना पर्यो भने भनेर एक जनाले राखेको जिज्ञासामा नेता चौधरीले नेपाललाई जसबाट हित हुन्छ भनेर जवाफ दिनु भएको छ । नेपालको हितका सन्दर्भमा अहिले सम्म गरिएका दावीका बिषयमा पनि समिक्षा गर्नु पर्ने कुरालाई मंत्री चौधरीको जवाफले कुटनितिक रुपमा उठान गरेको छ । 

नेता चौधरीले चीनकै कारण नेपालको सावभौमसत्ता र अखण्डता संरक्षीत भएको  चर्चा गर्दै चीन नभएको भए नेपाल राजा त्रिभूवको पालामा सिक्कीम जस्तो भइसकेको हुनेथियो भन्नु भएको छ ।

 
उहाँले सरदार  वल्लभ भाई पटेलले जम्मू कश्मिरको राजा हरि सिंह र हैदराबादको निजामलाई  जस्तै तपाई पनि भारतमा मिल्नुस भनेर राजा त्रिभूवलाई भनेको स्मरण गर्नु भएको छ । त्यतीबेला राजा त्रिभूवनले यस बिषयमा चीन संग कुरा गर्दा  नयाँ खाले राजनीतिक समिकरण बनेकोलेले नेपालको अखण्डता जोगिएको उहाँले तर्क गर्नु भएको छ ।

उहाँले चीनको कारण बनेको नयाँ समिकरणले नै  नेपालले बफर स्टेटको दर्जा पाएको लेख्नु भएको छ ।  नेपालसंग  चीन, भारत र अमेरिकाको भूराजनीतिक महत्व छ।उहाँले जोड दिदै लेख्नु भएको छ  कुरा आर्थिक होईन्।