बीरगंज ८ माघ । 

टेलिभिजन कार्यक्रम प्रस्तोता रवि लामिछानेले चलचित्र विकास बोर्डकी अध्यक्ष निकिता पौडेलसँग चौथो र निकिताले दोस्रोपटक रविसँग विवाह गरेकी छन् ।

कुरा व्यक्तिगत नै हो, तर पात्रहरु सार्वजनीक सरोकारका बिषयसंग सम्बद्ध छन ।

जनसरोकारसँग जोडिएका पात्रबाट समाजले के सिक्ने ? रविको यस्तो कदमले उनीबाट जन्मिएका वैधानिक दुई छोरी मात्र हैन, पछिल्ली पत्नी निकिताबाट जन्मिएकी छोरीले पनि पीडा सहनुपर्ने भएको छ । समाज सानो छ र उदाहरणस्वरूप उठिरहने यस्ता प्रसंगले पनि सन्तानलाई जीवनभर यातना भइरहन्छ ।

खासमा पूर्वपत्नी इशासँग सम्बन्धविच्छेदको प्रसंग आउँदा आफूहरू सम्बन्धमा नरहेको जिकिर गर्ने जोडीले सुन्ने र देख्नेलाई कति बेबकुफ बनाइरहेका थिए भन्ने कुरा उनीहरूको विगत कोट्याउँदा प्रष्ट हुन्छ । निकिता पतिसँग सम्बन्धविच्छेद नगरी बाह्य सम्पर्कमा थिइन् ।

तथ्यहरूले भन्छ, घरमा पति हुँदाहुँदै उनी १० महिनादेखि रविसँग मित्रपार्कस्थित अम्बे अपार्टमेन्टमा लिभिङ टुगेदरमा थिइन्, रवि पनि पत्नीसँग औपचारिक सम्बन्धमा रहँदारहँदै परस्त्रीसँग थिए । कानुन वा दुनियाँका आँखा त पर्दाले छोपिएला, तर के सामाजिक मर्यादा र नैतिक बन्धनले यस्तो गर्न दिन्छ ? निकिताले गत असार १५ गते काठमाडौं जिल्ला अदालतमा पति अभयबहादुर शाहविरुद्ध सम्बन्धविच्छेद र अंश चलनसम्बन्धी मुद्दा दायर गरेकी थिइन् ।

उनलाई सम्बन्धविच्छेद भन्दा बढी अंश चाहिएको थियो । अभय । हिमालय बैंकमा जागिर खान्छन्, महाराजगञ्जस्थित शान्तिकुञ्ज–निर्मल निवासछाडि, टुँडालदेवी वरै, ब्राजिल दूतावाससँगै घर छ । मुद्दाको प्रक्रिया चल्दै जाँदा सम्पत्ति विवरण पेश गर्ने चरण आउँदै थियो । तर, अकस्मात् असोज लागेपछि ‘अहिल्यै, तुरुन्तै चाहियो’ भन्ने शैलीमा निकिता पेश हुँदा अन्ततः अंश मामिलाको समय नआउँदै असोज १७ गते हतार–हतार पतिसँग सम्बन्धविच्छेद हुने गरी मिलापत्र गरिन् ।

यसो गरिरहँदा आउँदो २७ अप्रिलका दिन १२ वर्ष पुग्ने ९जन्म सन् २००७० छोरी अवनिकाको जिन्दगीसँग उनको कुनै सौदाबाजी रहेन । ‘दिए लान्छु, नभए चाहिएन’ भन्दै सम्बन्धविच्छेद गरेकी हुन् । र, छोरी बाबुकै संरक्षणमा रहने भइन् ।

निकितासँग बाबुबाट प्राप्त टिभी फिल्मीको स्वामीत्व छ । गोपिकृष्ण हल उनका काका उज्ज्वल, भाइहरू निरक र निरजको भागमा परेको छ । बाबु उद्धव भने फिल्मी लफडाबाट पन्छिएर ओम हस्पिटल र ओम कलेज सञ्चालक समितिको अध्यक्ष भई बसेका छन् ।

आफ्नो रमाइलोका लागि आफूसँग जोडिएका वा आफैँले जन्माएका महिला (छोरी वा पत्नी) को जीवनसँग खेलबाड गर्ने र प्रश्न उठ्दा उल्टै ठूलो स्वर गर्ने भएपछि कस्तो समाज निर्माण होला ? यसबीच, सरकारले पदीय हैसियतसम्बन्धी कुरामा निकितासँग स्पष्टीकरण सोधेको छ ।