दुग्धेश्वरनाथ महादेव मन्दीरमा लाग्ने भाठा मेलालाई लिएर राजनीतिक प्रचारबाजी शुरु
बीरगंज ३ साउन ।
पर्साको पटेर्वासुगौली गाउँपालिका वडा नम्बर १ रामभौरीभाठामा रहेको दुग्धेश्वरनाथ महादेव मन्दीरमा लाग्ने भाठा मेलालाई लिएर राजनीतिक प्रचारबाजी शुरु भएको छ ।
बर्षौदेखि लाग्दै आएको मेला यसपटक स्थानीय प्रशासनले लाग्न नदिने भनेपछि स्थानीय तह, प्रदेशसभा सदस्य तथा संघीय संसदले मेला लाग्न नदिए आन्दोलन गर्ने चेतावनी दिएका छन् ।
संघीय संसद हरिनारायण रौनियार लगायत संघीय समाजवादी फोरमबाट प्रदेशसभामा प्रतिनिधित्व गरेका प्रदेशसभा सदस्य र सखुवा प्रसौनी गाउँपालिकाका प्रमुख प्रदीप चौरसियाले पत्रकार सम्मेलन नै गरेर चेतावनी दिएका थिए ।
त्यस्तै हिजो नेपाली कांग्रेसका पर्सा सभापति अजय द्विवेदी र पूर्व सांसद सुरेन्द्र चौधरी लगायतको टोलीले प्रमुख जिल्ला अधिकारीलाई नै ज्ञापनपत्र बुझाएका थिए । तर, मेलाको विषयमा राष्ट्रिय निकुञ्जसँग भएको छलफलमा मेला लाग्न दिने सहमति भईसकेको अवस्थामा स्थानीय प्रशासनले रोक लगाउन खोजेको भन्दै राजनीतिक दलका नेता, जनप्रतिनिधिहरुले नै जनतामा भ्रम फैलाउने किसिमले राजनीतिकरण गर्न खोजिएको देखिएको छ ।
मेला लगाउने सम्बन्धमा यसअघि नेकपाका नेता बालेश्वर थारु विजय महतो, प्रद्युम्न चौहान र सुरेन्द्र चौधरी सहितको सहभागितामा पर्सा राष्ट्रिय निकुञ्जका प्रमुख सरक्षण अधिकृत हरिभद्र आचार्यसँग गएर छलफल गर्दा मेला स्थलमा फोहोर मैला व्यवास्थापन गर्ने गरि मेला लगाउने सहमति भएको नेकपाका नेता बालेश्वर थारुले जानकारी दिए ।
उनले प्रमुख संरक्षण अधिकृत आचार्यसँगको छलफलमा मेला लाग्ने स्थान वन्यजन्तुको वासस्थान र चरणक्षेत्र भएकोले धेरै भीड नलगाउने तथा सुरक्षित र व्यवस्थित तरिकाले मेलाको व्यावस्थापन गरि लगाउने सहमति भएको बताए ।
उहाँले सञ्चार माध्यमहरुमा आएको जस्तो मेला नै लाग्न नदिने, रोक लगाउने कुरा स्थानीय प्रशासनको तर्फबाट कुनै अवरोध नभएको र मन्त्रालय सम्म समन्वय गरेर मेला व्यवास्थापन गरिने गरि मेला लागाउने विषयमा पर्सा राष्ट्रिय निकुञ्ज सहमत भएको थारुले बताए ।
उनले मेलाको विषयलाई लिएर राजनीतिक दलहरुले राजनीतिकरण गर्न खोजेको प्रति चिन्ता व्यक्त गरे । पर्साका प्रमुख जिल्ला अधिकारी लोकनाथ पौड्यालले पनि मेला लाग्ने विषयमा स्थानीय प्रशासनले रोक नलगाएको स्पष्ट पारे । उनले भने भने, “हाम्रो मुख्य सरोकार भनेको शान्ति सुरक्षा हो, मानवीय र वन्यजन्तु दुवैलाई हानी नहोस भन्ने हो । मेला लाग्न दिने नदिने कुरा निकुञ्जको क्षेत्राधिकारभित्र पर्छ ।” यस विषयमा मैले केही भन्न मिल्दैन, प्रमुख जिल्ला अधिकारी पौड्यालले भने ।
सम्बन्धित शीर्षकहरु
सीमापारी/अन्तराष्ट्रिय
भारतको अप्रेशन सिन्दुर,पाकिस्तान नियन्त्रित नौ स्थानमा मिसाइल आक्रमण
वीरगंज। भारतले बुधबार पाकिस्तान र पाकिस्तान नियन्त्रित कश्मीर (पीओके) मा रहेको ‘आतङ्कवादी केन्द्रहरु’ नौ स्थानमा हमला गरेको घोषणा गरेको छ ।
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पार्टीलाई जनताकावीचमा स्थापित गर्न एक ढिक्का भएर लाग्न इन्चार्ज हजराको अपिल
वीरगंज । नेकपा एमालेका केन्द्रीय सदस्य एवं पर्सा इन्चार्ज प्रभू हजराले पार्टीलाई जनताको वीचमा स्थापित गर्नकालागि जनसरोकारका मुद्धालाई नेतृत्व गर्नु पर्ने बताएका छन ।
खयर लोड गरिएको ट्रक नियन्त्रणमा, निकुञ्जले चेकजाँच गर्दै, रक्षकहरु नै भक्षक भएको आरोप
वीरगंज । छुटपूर्जी भन्दा बढी काठका गोलिया लोड गरेको आशंकामा सशस्त्र प्रहरीले एउटा ट्रक नियन्त्रणमा लिएको छ । नियन्त्रणमा लिएको ट्रक भित्र भएको काठको बिषयमा चितवन राष्ट्रीय निकुञ्जबाट आएको टोलीले छानविन गर्ने भएको छ ।
खेलकुद
अखिल नेपाल फुटबल संघको साधारण सभामा पूर्व अध्यक्ष गणेश थापालाई रोक
धुलिखेल । अखिल नेपाल फुटबल संघ(एन्फा) आफ्ना पूर्व अध्यक्ष गणेश थापालाई साधारण सभामा सहभागी हुन बाट रोक लगाएको छ।
तपाईको प्रतिक्रिया