बीरगंज २ साउन ।
पर्साको कालिकामाई गाउपालिकाको कार्यालयमा बुधवार स्थानीयवासीले तालाबन्दी गरेका छन । कालिकामाई गाउँपालिका वडानम्बर १ मुडली, टिनडोबिया र रबिदासका स्थानीयवासीहरुले बिभिन्न मांग राख्दै बुधवार गाउँपलिकाको कार्यालयमा तालाबन्दी गरेका हुन ।

स्थानीयबासीले पोखरीबाट नै सिचाई गर्नु पर्ने, खुल्ला गरेको टेन्डर  बन्द गर, भष्टाचारी बन्द गर, रकम हिनामिना भएकोले सार्वजनिक सुनवाई गर, लक्षित वर्गको रकम पारदर्शी गर, लक्षित वर्गको रकममा कमिसनखोरी बन्द गर जस्ता मांग राख्दै, तालाबन्दी गरेका छन ।

गाउपालिकाका अध्यक्ष, उपाध्यक्ष र प्रमुख प्रशासकीय अधिकृतले लाखौ रुपैया भ्रष्टाचारी गरेको आरोप स्थानीयबासीले लगाएका छन । गाउपालिकाका अध्यक्ष नथुनी कुश्वाहा, उपाध्यक्ष राजेश चौरसिया र प्रमुख प्रशासकिय अधिकृत देवनाथ साहले प्रत्येक उपभोक्ता  र ठेकेदारबाट ३५ प्रतिशत रकम कमिसन लिएकोले काम गुणस्तरीय नभएको आरोप उनीहरुको  छ ।

समाजिक विकासको रकम तथा लक्षित वर्गको रकम धेरै जसो आफनै कर्मचारीबाट  कार्यसम्पादन गरेको कागजात बनाएर भुक्तानी दिएको र केही मात्रमा स्थानीय सामाजिक संघ सस्था र परामर्शदाता कम्पनीसित पहिला कमीशन लिइ पछि मात्र भुक्तानी दिने गरेको स्थानीयले बताए ।  ठेक्कापट्टा तथा उपभोक्ता  समिति बनाउदा आफनै पार्टीको सदस्य मात्रै राखेको खुलासा भएको छ ।  

दलितको रकम छुटयाउनु पर्ने, शिक्षा,स्वास्थ्य,कृषिमा लगानी गर्नु पर्ने जस्ता मांग राखेको  मुडली निवासी स्थानीय अम्बिका हजरा दुसादले बताए  । यसै गरी लक्षित वर्गका लागी छुटयाइएको २ करोड रकममा जम्मा ५ वा ६ लाख रकम खर्च भएको सावीक मुडली गाविसका भूतपूर्व उपाध्यक्ष प्रमा पटेलले बताए  ।

सिलाई मेसिन १३ थान र कपडा नकिनेका कारण सिलाई सिक्न नसकेको, खेलकुदको रकम ७ लाख ५० हजार रहेको १ दिनमा ५० हजार मात्र खर्च गरे सबै रकम सिद्धाईएको देखाइएको र कृर्षिका लागि ६ लाख छुटयाइएको र बोरिंग खरिद गरी जनप्रतिनिधीहरुले आ अफनो घरमा लगी थन्कायाएको स्थानीय प्रमा पटेलले आरोप लगाउ उनले लाखौ भ्रष्टाचारको छानबिन हुनु पर्ने मांग गर्दै तालाबन्दी गरिएको बताए  ।

स्थानीयले जुन पोखरिको ठेक्का लगाउने बिषयमा बिरोध गरेका छन । त्यही पोखरीको ठेक्का भने कालिकामाई गाउँपालिकाको बीरन्चीवर्वामा रहेको एक बिद्यालयमा बसेर लगाउने काम गरिदै छ ।

बिद्यालयमा डाँक बढाबढ कोलागि ठेकेदारहरुको सहभागिता भएको र ठेक्का लगाउन थालिएको बिरन्चीवर्वाका वार्डअध्यक्ष पवन तिवारीले बताए । उनले पोखरिबाट सिचाई गर्ने कुरामा सत्यता नरहेको बताउदै मुडली गाविस हुदा पनि पोखरि ठेक्कामा लगाइदै आएको थियो अहिले गाउँपालिकाले लगाउन खोजेको अध्यक्ष तिवारीले बताए ।