बीरगंज १ असार ।
ठोरी गाउँपालिकाको वडा नं ५ मा रहेको “होमस्टे” आकर्षणको केन्द्र बन्दै छ । बीरगंजबाट ३७ किलोमिटर पश्चिम उत्तरमा रहेको सुवर्णपुरमा संचालीत होमस्टे आन्तरिक पर्यटकहरुकालागि आकर्षणको केन्द्र बन्दै गएको हो ।
होमस्टेमा १५ वटा घरहरु रहेका छन ।

जसमा ४० जना अतिथिहरुले बास बस्न सक्ने हामेमस्टे संचालन गर्दै आएको सुनाखरी बन उपभोक्ता समितिका अध्यक्ष शम्भू पौडेल बताउछन ।

अहिले होमस्टे वर्षभरि संचालन हुदै आएको छ । ग्रामीण परिवेश बाटो बिजुलीको सुविधा भएको मिश्रीत संस्कृतिको संगम । अनि अर्गानिक उत्पादन घरेलु स्वाद यि र यस्तै बिशेषताका कारण होमस्टे निकै चर्चित हुदै गएको हो ।

होमस्टेले सांस्कतिको आदान प्रदान ग्रामीण परिवेशलाई बुझ्ने वतावरण दिनुको साथै आर्थिक रुपमा पनि परिर्वतन ल्याउन मद्धत गर्ने बुझाई छ ठोरी गाउँपालिका प्रमुख पि.एल.श्रेष्ठको । 

ठोरीको समृद्धिका निम्ति पर्या पर्यटनको बिकासको अवधारणा अगाडि सार्ने प्रमुख पाएपछि सुवर्णपुरका होमस्टेसंचालकहरु पनि उत्साहित भएका छन । होमस्टे संचालनको अर्थ आर्थिक उपचार्जनसंग मात्र जोडिएको छैन जगंल र जंगली जनावरको संरक्षणको र प्रर्वद्धन पनि जोडिएको छ ।

 
होमस्टेलाई अझ बढी प्रभावकारी रुपमा संचालन गर्नकालागि जंगल सफारी शुरु गर्ने वतावरण बनाउन लागि परेका छन गाउँपालिका प्रमुख श्रेष्ठ । उनले चुनावताका  गरेको बाचा स्मरण गर्दै भने “ठोरीलाई समृद्ध ठोरी बनाउने सपना देखाएको छु त्यो त पुरा गर्न लाग्नै पर्छ” ।

त्यसकालागि भौतीक बिकास र मानवीय बिकास उतिकै ध्यान दिएको बताउछन श्रेष्ठ । ठोरीका २ हजार भन्दा बढी नागरिकलाई बिभिन्ना तालिममा सहभागि गराएको उनले बताए । युवाहरुलाई पत्रकारिता,मेलमिलाप,वाल पत्रकारिता, लागुऔषध तथा दूब्र्यसनको प्रभाव महिलाहरुलाई कुशन,गुडिया,अचार बनाउने लगायतका बिषयमा बिष्यबिज्ञलाई ल्याएर तालिम दिएको उनी बताउछन । तालिमले सोचने तरिकामा परिर्वतन ल्याउछ र त्यसले ब्यवहार परिर्वतन हुन्छ अनि सिंगो जनशक्ति बिकासमा लाग्ने उनको बिशवास छ ।

त्योसंगै पूर्वाधारमा पनि उनले निकै झलाङ् मारेका छन । होमस्टे संचालीत सुवर्णपुर गाउँपालिकाको समेत अनुदान सहयोगमा “कल्चरल हाउस” सास्कृतिक भवनको निर्माण भएको छ । सुविधा सम्पन्न भवन १८ लाखको लागतमा सम्पन्न हुने अनुमान गरिएको सुनाखरी बन उपभोक्ता समितिका अध्यक्ष पौडेलले बताए ।

त्यस भवनमा होमस्टेमा आउने अतिथिहरुको मनोरन्जनकोलागि धाँगड,तमाङ नवार थारु तथा नेपाली लोक संस्कृति र संगीत प्रस्तुत गरिनेछ । शहरको कोलाहालपूर्ण अवस्थाबाट नजिकै र सस्तोमा ग्रामीण जनजीवनको अध्ययन सहित शान्ति महशुस गर्नकालागि सुर्वणपुरको होमस्टे निकै आन्नददायक हुने छ ।