बीरगंज ३१जेठ   ।

बिकास निर्माणको काममा कुनै पनि खालको अवरोध सहन नगरिने सखुवा प्रसौनी गाउँपालिकाका अध्यक्ष प्रदीप जयसवालले बताएका छन ।

अनौपचारिक क्षेत्र सेवा केन्द्र ( इन्सेक ) मानव अधिकार निगरानी समहु गादी तथा वडा कार्यलय गादीले वडाकार्यालयमा बिहिवार आयोजना गरेको सेवाग्राही र सेवाप्रदायक वीचको अन्तरक्रिया कार्यक्रममा उनले यस्तो बताएका हुन।

सडक च्यापेर घर बनाउनेहरुको कारण सडक साँघुरा भएका छन नाला निर्माण गर्दा सडक नै सकिने खालको अवस्था छ हामी सडको अतिक्रमण हटाएर बिकासका काम अगाडि बढाइने बताए । उनले वालवालिकालाई बिद्यालय नपढाउने रक्सी सेवान गरेर श्रीमती कुटने जस्ता समस्याहरु रहेको बताउदै त्यस्ता समस्या समाधान गर्न आफूहरु लागि परेको बताए ।

उनले स्थानीय तहलाई आत्म निर्भर बनाउने बिषयमा समेत आफूहरुले काम गरिरहेको बताए । उनले बिद्यालयमा भूईमा बसेर पढनु पर्ने अवस्थाको अन्त्य गर्न आफू लागि परेको बताए ।  जगंलको फडानी नियन्त्रण गर्न उनले पटेर्वा सुगौली गाउँपालिका र सखुवा प्रसौनी गाउँपालिकाले संयुक्त रुपमा काम गर्नु बताए ।

कार्यक्रममा पटेर्वा सुगौली गाउँपालिकाका उपाध्यक्ष ममता महतोले भौतीक पूर्वाधारको बिकास संगै मानवीय बिकासको क्षेत्रमा आफूहरुले काम गर्ने बताइन । उनले खाद्य,स्वास्थ्य र शिक्षा नागरिकको आधारभूत अधिकार भएको चर्चा गर्दै बिकासको पहिलो शर्त शिक्षा भएको बताइन ।उनले अहिले पनि कर्मचारीतन्त्र हावी भएको गुनासो गरिन ।

उनले बिषदीमुक्त कृषि उपजको उत्पादन गाउँमा रोजगारीको सृजनाकालागि आफूहरुले कोशीस गरिहेको बताइन । उपाध्यक्ष महतोले नागरिक समृद्ध भएमात्रै राष्ट्र समृद्ध हुने भएकोले नागरिको आर्थिक समृद्धिको आकंक्षा पुरा गर्न पर्यटन,कृषिको उत्पादकत्वमा बृद्धि जंगलको संरक्षणमा ध्यान दिइने बताइन ।

मानव अधिकार निगरानी समुह मधुवन धवलका अध्यक्ष दिनेश तिमिल्सीना र गादीका अध्यक्ष बिजय गैरेले समुहको तर्फबाट गरिएको गतिविधि र त्यसले ल्याएको परिर्वतनको बिषयमा प्रकाश पारेका थिए ।

मानव अधिकार निगरानी समुहका पटेर्वा सुगौली गाउँपालिका वडा नं २ का अध्यक्ष बिजय गैरेको अध्यक्षतामा भएको कार्यक्रममा इन्सेक पर्सा प्रतिनिधि के.सी.लामिछाने, सखुवा प्रसौनी गाउँपालिका वडा नं १ का वडाध्यक्ष बिश्वनाथ पटवारी,तुलसा अधिकारी देवीचरण न्यौपाने समाजसेवी बासुदेव चौधरी लगायतले मन्तब्य ब्यक्त गरेका थिए ।

कार्यक्रममा बासुदेव चौधरी,पारस महतो,रामा खाँ थारु,राधीका गिरी चन्केश्वर भण्डारी मोहन चौधरी र वाल अधिकार चेतना समुह रंगपुरका अध्यक्ष सकिना खातुनले आ आफना सवाल सुझाव राखेका थिए । सहभागिहरुले बिकास निर्माणका कामको अवस्था,बिद्यालयमा बिनियोजीत रकमको निकासा नभएकोले कहिले सम्म उपलब्ध हुन्छ भन्दै आफनो जिज्ञासा राखेका थिए । जवाफमा सरोकारवालाले असार २० गते भित्र सबै काम सम्पन्न हुने जानकारी दिएका थिए ।

कार्यक्रममा गादी र मधुवन मथवलका मानव अधिकार निगरानी समुहका पदाधिकारी सदस्यहरु ,वालअधिकार चेतना समुहका प्रतिनिधि शिक्षक तथा अन्य सामाजिक अगुवा गरि ५० जनाको सहभागिता रहेको थियो ।