बीरगंज ८ जेठ । 
नेपाल सरकारले समयमा काम नसक्ने ठेकेदारलाई जेल हाल्ने भनेपछि एक खालको तरंग आएको छ । नेपाल निर्माण ब्यवसायी महासंघले ठेकेदारहरुलाई पक्राउ नगर्न माग गर्दे गृहमंत्रीलाई समेत भेट गरेका छन । 

गृहमंत्रीको यो आदेश पछि पर्सा जिल्लामा पनि त्यस बिषयमा चर्चा परिचर्चा शुरु भएको छ । नेपालको “क”श्रेणीको ठेक्का कम्पनी “पप्पु कन्सट्रक्सनका मालिकहरु जेल पर्छन की पर्दैनन भन्ने चर्चा चुलीमा पुगेको छ । 

पर्सा जिल्लाको बिकासको बाधक भनेर चिनिएका सासद हरिनारायण रौनीयार नै त्यो निर्माण कम्पनीका मालिक हुन । पर्सा जिल्लामै पप्पु कन्सट्रक्सनले ठेक्का सकार गरेका कतिपय कामहरु अहिले पनि सकिएका छैनन । देशभरिको कुरा गर्ने हो भने अधिकतम ठेक्का अलपत्र पारेर रौनीयार सासद भएका छन । 

रमण पप्पुको संयुक्त कम्पनीले निर्माणको ठेक्का लिएको हुलाकी राजमार्गको गोलाघाटमा नारायणी पुलको निर्माण कार्य अलपत्र परेको छ । त्यो अहिले आर्विटेशनमा गएको छ । ठेक्का ३६ करोड रुपैयाको रहेको छ । सुन्दरेघाटको बाग्मती पुल ३४ करोडमा ठेक्का सकार गरेकोमा काम छाडेर भागे पछि सम्बन्धीत निकायले काममा आउन भन्दै सार्वजनीक सूचना प्रकाशीत गरेको छ । रसुवाको बट्टारमा १५ करोडमा ठेक्का सकार गरेकोमा पुलको प्रगती साढे तीन वर्ष बित्दा जम्मा १५ प्रतिशत प्रगती हासिल भएको छ ।

मध्य पहाडी लोकमार्गको सिन्धुलीमा थाङसाङमा १० करोडमा ठेक्का सरकार गरेको पप्पु कन्सट्रक्सन अहिले काम छाडेर भागेको छ । भेरी नदीमा १६ करोडमा पुल बनाउने ठेक्का सकार गरेर फरार रहेको कम्पनीलाई काममा आउन भन्दै सम्बन्धीत निकयाले दूई पटक सूचना प्रकाशीत गरेको छ ।  

पर्सा जिल्ला रौनीयारको आफनो गृह जिल्ला हो । गृह जिल्लामा राम्रो गरेर देखाउने भन्दा पनि बिभिन्न बाहाना देखाएर काम ढिलो गर्दै आएका रौनीयारको कम्पनीको निर्माणपनि गुणस्तरीय नरहेको भूक्तभोगीहरुले बताउछन । पर्साको लालपर्सा र मिलचोक खण्डमा निर्माण भएको कालोपत्र सडक निर्माण भएको वर्षबाटै भत्किन शुरु भएको थियो । अहिले कालोपत्र सडकमा हिड्नेहरुले ठेकेदार कम्पनीलाई सराप्दै हिडने गरेका छन । सडकमा भएका खाल्डा र खुल्डीले गर्दा सराप्न मन लागेको लालपर्साका बिनेश यादव बताउछन । 

पर्साको नैरगिया पूल ०६८ श्रावण २७ गते सम्झौता भएको थियो । सो पूलको निर्माण ७० साल श्रावणमा सकिनु पर्नेमा अझै पूर्णतया हस्तातन्तरण भएको छैन । पर्साको लाइफलाईनको रुपमा रहेको पोखरिया बीरगंज सडक खण्डको तिलावे पूल पनि सोही मितिमा सम्झैता भएको हो । ७० सालमै निर्माण सम्पन्न हुनु पर्ने सो पुलको अवस्था दयनीय छ ।

६८ को सम्झौता ०७५ हुदा पनि सकिएको छैन । बेलैमा काम सम्पन्न नगर्ने अहिले पर्साको क्षेत्र नं ३ बाट संघीय समाजवादी फोरमको तर्फबाट प्रतिनिधि सभाको सदस्य जितेका हरिनारायण रौनीयार जो तत्कालीन प्रवन्ध निर्देशक हुन र अहिलेका प्रवन्ध निर्देशक उनका सुपुत्र सुमित रौनीयार बेलैमा काम नसक्ने ठेकेदारको सूचीमा परेर जेल जान्छन की जादैनन हेर्न बाँकी छ । कानूनको अधिनमा रहेर सरकारले दिएको निर्देशन कार्यान्वयन गरिने जिल्ला प्रशासन कार्यालय पर्साले जनाएको जनाएको छ ।