बिपल्व नेकपाको उर्दी दलाल संसदीय सत्ता जनप्रतिनिधि राजीनामा देउ

3/19/2018 गते 00 00 मा प्रकाशित 1361 पटक पढिएको

बीरगंज ५ चैत । नेत्रविक्रम चन्द बिप्लव नेतृत्वको नेपाल कम्युष्टि पार्टी ले स्थानीय तहका जनप्रतिनिधिहरुको राजीनामा मागेको छ ।

नेकपाले पर्साको वीरगञ्ज महानगरपालिका र बाराको जीतपुर(सिमरा उपमहानगरपालिकाका मेयर र उपमेयरको राजीनामा माग गरेको हो ।

वीरगञ्ज महानगरका मेयर बिजय सरावगी, उपमेयर शान्ति कार्की, जितपुर सिमराका मेयर डा. कृष्णा पौडेल, उपमेयर सरस्वती चौधरीलाई राजीनामा दिन चेतावनी सहित नेकपाले पत्र पठाएको हो ।

विप्लव नेतृत्वको नेकपाले देशभर जनपरिषद् निर्माण गरेर अघि बढिरहेको बताउँदै राजीनामा पत्रमा दलाल संसदीय सत्ताको कथित जनप्रतिनिधि बनेर नबस्न भनिएको छ ।

‘तपार्इं दलाल संसदीय सत्ताको कथित जनप्रपतिनिधि बनेर बस्नु जनघात र राष्ट्रघातमा सहीछाप लगाउनु सरह हो । नेपाली जनताप्रति विश्वासघात गर्नु हो । मुलुक र जनतालाई फेरि युद्धतर्फ धकेल्ने कुरामा सहमति जनाउनु हो ।’ पत्रमा अगाडि लेखिएको छ अतः हाम्रो जनसत्ताले दलाल संसदीय सत्ताको सम्पूर्ण पक्रिया र गतिविधिलाई खारेज गरेर अघि बढी रहेको सन्दर्भमा तपाईले यो पुरानो कथित प्रतिनिधिबाट तत्काल राजीनामा दिइ वैज्ञानिक समाजवाद स्थापनार्थ सञ्चालन हुने एकीकृत जनक्रान्तिमा सहयोगका लागि हार्दिक अपील गर्न चाहन्छु ।’

पर्सा जिल्ला संयोजक बुच्ची यादवले हस्ताक्षर गरेको राजीनामा पत्रमा राजीनामा जनताको तर्फबाट गरिने प्रतिवादको सामना र त्यसबाट उत्पन्न हुने परिस्थितिको जिम्मेवार आफैं बन्न चेतावनी दिएको छ ।

जीतपुर सिमरा उपमहानगरपालिकाका मेयर पौडेलले आफूले पनि पत्र आएको हल्ला सुनेको बताए । कामको सिलसिलामा काठमाण्डौमा रहेकोले पत्र हेर्न नपाएको उनको भनाई छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।