गाउँपालिका अध्यक्ष जयसवालका कारण अशान्त बन्यो सखुवाप्रसौनी गाउँपालिका

3/18/2018 गते 00 00 मा प्रकाशित 745 पटक पढिएको

बीरगंज ५ चैत ।
सखुवा प्रसौनी गाउँपालिका अहिले अशान्त छ । गाउँपालिकाको नाम फेर्ने र केन्द्र सार्ने बिषयमा विवाद भएपछि गाउँपालिका अशान्त भएको हो ।

यो समग्र प्रकरणमा गाउँपालिका अध्यक्षको अराजनीतिक चिन्तन र चरित्र कारक भएको स्थानीय बुद्धिजीवीहरुको टिप्पणी छ ।

अध्यक्ष जयसवालले चैत २ गते एउटा बिज्ञप्ति जारी गरेर आफू पानी माथिको ओभानो हुन खोजेका छन । जयसवालले बिज्ञप्ति जारी गरेर सम्वादका माध्यमले सहमती खोज्ने दलील पेश गरे पनि उनी गाउँपालिका सदस्यहरुलाई अपहरण गरेर आफनो एजेण्डामा जर्वजस्ती सही गराउने गुण्डागर्दी शैलीमा उत्रिएको आरोप सदस्यहरुले नै लगाउन थालेका छन ।

२ गते परवानीपुरमा भएको घटना त्यसकै एउटा कडी भएको वडा नं १ का अध्यक्ष बिश्वनाथ पटवारीले बताए । उनले परवानीपुरबाट फोन आएकोले एम्बुलेन्स गएको र त्यहा गाउँपालिकाका सदस्य रामा चौधरीलाई नियन्त्रणमा लिने प्रयास भएको उनले बताए ।

अहिले सखुवा प्रसौनी गाउँपालिकाका सबै वडाहरुमा नाम फेर्ने र केन्द्र सार्ने बिषयमा घर घरमा बहस हुन थालेको छ । केही ब्यक्तिहरुले तेश्रो बिकल्पको रुपमा पशुपतीनाथ गाउँपालिका नामाकरण गर्न प्रस्ताव समेत गरेका छन ।

केहीले कोइलाभार गाउँपालिका हुनु पर्ने दावी गरेका छन । केन्द्रको बिषयमा गाउँपालिकाको केन्द्र सखुवा प्रसौनी नै हुने भएकोले त्यसमा खासै बिवाद नभएपनि गाउँपालिका अध्यक्ष जयसवालको अराजनीतिक प्रवृतिका कारण यो मुद्धा बिवादित बनेको छ ।

संघीय समाजवादी फोरम नेपालबाट निर्वाचित अध्यक्ष र उपाध्यक्ष एक अर्काका वीचमा आफना मुद्धा बोकेर बिवादमा उत्रिएपछि नागरिकले सास्ती खेप्नु पर्ने अवस्था सृजना भएको छ । मुल पार्टी संघीय समाजवादी फोरम नेपाल पनि यो बिषयलाई मिलाउन तत्पर देखिएको छैन ।

यसैवीचमा फोरम इतरका राजनीतिक दलहरुको सर्वदलीय बैठक सखुवा प्रसौनीमा सम्पन्न भएको छ । बैठकले गाउँपालिका अध्यक्ष जयसवालको कदमका बिरुद्ध आन्दोलनको मोर्चा कस्ने निर्णय गरेको एमालेका युवा नेता यशवन्त यादवले बताएका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।