बीरगंज २८ फागुन । 
पर्सा जिल्लाका तलव नपाएका तीन वटा स्थानीय तहका शिक्षकहरु आजबाट काम रोकेर धर्नामा उत्रिएका छन ।
    दोश्रो चौमासिक बापतको तलव नपाएपछि उनीहरु आन्दोलनमा उत्रिएका हुन । सम्बिधानले अन्य सेवाहरुलाई जस्तै शिक्षालाई पनि स्थानीय तह मातहत राखेको छ ।

पर्साका ठोरी गाउँपालिका पर्सागढी नगरपालिका र बीरगंज महानगरपालिकाले शिक्षक ,बिद्यालय कर्मचारी र बाल शिक्षाका कर्मचारीलाई तलव निकासा नदिदा उनीहरुको आर्थिक ब्यवस्थापन नै लथालिंङ्ग भएको छ ।
    शिक्षकहरुको छाता संगठन शिक्षक महासंघले स्थानीय तहका प्रमुखहरुले आफना समस्याहरुका बिषयमा गम्भिरतापूर्वक सुन्ने प्रयास समेत नगरेको आक्षेप लगाएका छन ।

उनीहरुले शिक्षकहरुको आन्दोलन्लका कारण बिद्यार्थीको पठन पनठन प्रभावित हुदा समेत वास्ता नगरेको आरोप लगाएका छन ।शिक्षकहरुले आफनो आन्दोलनलाई अनिश्चितकालीन भनेका छन । शिक्षकहरुको धर्नाका कारण बीरगंज महानगरपालिकामा कर्मचारीहरु प्रवेश गर्न पाएका छैनन । महानगरको काम कर्मचारी भित्र प्रवेश गर्न नपाएकोले काम प्रभावित भएको छ ।

त्यस्तै पसागढी नगरपालिका र ठोरी गाउँपालिकामा पनि कामरोक धर्ना भइरहेको शिक्षक संघ पर्साका अध्यक्ष तिर्थराज यादवले बताए  ।
    उनीहरु बीरगंज महानगरको प्राङ्गण पर्सागढी र ठोरी गाउँपालिकाको प्राङ्गणमा धर्नामा बसेका छन । धर्नामा बिद्यालयबाट एकजनाको सहभागिता रहेको छ ।

बिद्यालयको पठन पाठन नियमित रहेको अध्यक्ष यादवले बताए ।बीरगंज महानगरका बरिष्ठ अधिकृत सुमन श्रेष्ठले शिक्षकहरुको धर्नाका कारण महानगरको कामकाज ठप्प भएको बताए  ।

उनले  नेपाल सरकारले तलव निकासा नगरेकोले नै शिक्षकहरुलाई तलव दिन नसकेको स्पष्ट पारे  । महानगरले एक महिनाको तलव आन्तरिक श्रोतबाट निकासा गरेको थियो । तर सरकारले दिन पर्ने रकम नदिएकोले नै शिक्षकहरुको तलव रोकिएको श्रेष्ठको भनाई छ ।

श्रेष्ठले बिद्यालय प्रशासनले शिक्षकको संख्या र दरवन्दी जस्ता विवरण उपलब्ध नगराएकोले पनि समस्या आएको बताए ।

महानगरले बिववरण पाएको छैन के आधारमा कति पैसा माग गर्ने भन्ने अन्यौलता पनि रहेको अधिकृत श्रेष्ठको तर्क छ । पर्साका १४ मध्य अन्य दुई नगरपालिका सहित ११ गाउँपालिकाले भने शिक्षकहरुको दोश्रो चौमासिकको तलव निकासा गरिसकेका छन ।

बीरगंज महानगर पालिका मा ३२ वटा वडाहरु मा ९३ वटा विधालयहरु रहेका छन । यस ९३ वटा विधालयहरु मा ९सय ५३ जना शिक्षक र शिक्षीकाहरु कार्यरत रहेका छन  ।

बीरगंज महानगरपालिका भएको देखी ९ सय ५३ जना शिक्षकहरु लाई चार महिना देखी तलब, भत्ता, मसलन्द, जस्ता आर्थिक सुविधा कुनै पनी नपाएकोले गर्दा शिक्षकहरु बाध्य भई आन्दोलनमा ओर्लिएको बताउछन । स्थानीय निकायले शिक्षकहरुको समस्या समाधान गरेन भने चैत्र ३० गते हुने विधायल स्तरीय सबै अन्तिम परिक्षाहरु बहिष्कार गर्ने सम्मको कदम चाल्न सक्ने शिक्षकहरुले बताएका छन ।