२० वर्ष नाघेका सार्वजनीक सवारी साधन चैत्र ३० पछि सडकमा गुड्न नपाउने

3/9/2018 गते 00 00 मा प्रकाशित 1110 पटक पढिएको

बीरगंज २५ फागुन ।०७४ चैत्र ३० गते देखी २० वर्ष नाघेका सवारी साधनहरु सडकमा गुडन नपाउने भएका छन ।

बीरगंजमा रहेको सवारी शाखा कार्यालयले नारायणी अञ्चलमा २० वर्ष नाघेका सवारी साधनहरुको लगत धमाधम संकलन गरिरहेको बुझिएको छ ।

नारायणी अञ्चलमा १५ सय भन्दा साना ठुला सवारी साधन रहेको स्रोतको भनाई छ ।

०७२ साल चैत्र १ गते नेपाल सरकारले सूचना प्रकाशित गरि समृद्ध नेपालकालागि रेल सडक तथा यातायात बिकासको पाँच वर्षे रणनीतिक कार्ययोजना कार्यान्वयनकोलागि २० वर्ष नाघेका सवारी साधन बिस्थापनको निर्णय लिएको हो ।

२० वर्ष भन्दा पुराना सम्पूर्ण सार्वजनीक सवारी साधनहरु बिस्थापन गर्ने गरि २ वर्षको अवधी राखेर सूचना प्रकाशित भएको थियो ।

यही चैत्र ३० गते सूचना प्रकाशित भएको २ वर्ष पुग्दै छ ।सरकारले ३० वर्ष नाघेका सवारी साधनहरुलाई नेपाल भरि प्रवेशमा रोक लगाउने फेला परे जफत गरि कानूनी कारवाही गर्ने जनाएको छ ।

वतावरणको प्रदुषण बढाएको र दुर्घटनको दर बढेको भन्दै २० वर्ष नाघेका सवारी साधनहरुको बिस्थापन गर्ने निर्णय लिएको हो ।

नेपाल सरकारले २० वर्ष नाघेका सार्वजनीक सवारी संचालनमा रोक लगाउने निर्णय गरेपनि त्यसको कार्यान्वयनको तयारीका बिषयमा जिल्ला ट्राफिक प्रहरी कार्यालय भने अनभिज्ञ छ । जिल्ला ट्राफिक प्रहरी कार्यालय पर्साका प्रहरी नायव उपरिक्षक मिन कार्कीले आफू नयाँ भएकोले त्यस बारे केही थाहा नभएको बताउनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।