रेडक्रस, मानवीय सेवामा बिशवास प्राप्त अग्रणी संस्थाः प्रजिअ सिंह

3/8/2018 गते 00 00 मा प्रकाशित 792 पटक पढिएको

बीरगंज २४ फागुन । नेपाल रेडक्रस सोसाइटी पर्सा शाखाको ५० औ जिल्ला अधिवेशन बिहिवार बीरगंजमा सम्पन्न भएको छ ।

पर्साका प्रमुख जिल्ला अधिकारी बिनोद प्रकाश सिंहले मानवीय सेवामा समर्पित अग्रणी संस्था रेडक्रस सोसाइटी रहेको बताए ।

उनले निष्पक्षता र बिश्वासनीयताको आधार निर्माण गर्न रेडक्रस सफल भएको उनले बताए ।
नेपाल पत्रकार महासंघ पर्साका अध्यक्ष श्याम बन्जाराले नेपाल रेडक्रस सोसाइटी जस्तो संस्था कुनै कारणले पनि विवादमा आउन नहुने बताए ।

हिजोका दिनमा केही समस्याहरुका कारण नेपाल रेडक्रस सोसाइटीमाथि प्रश्न उठेको स्मरण गर्दै आउने दिनमा यो सबै कुरामा सुधार हुन जरुरीछ ।

कार्यक्रममा बीरगंज उधोग बाणिज्य संघका कार्यवाहक अध्यक्ष सुवोध गुप्ता, नेपाल रेडक्रस सोसाइटी पर्साका पूर्व अध्यक्ष राम बहादुर थापा लागायतले मन्तब्य ब्यक्त गरेका थिए ।

कार्यक्रममा यो वर्ष सबै भन्दा बढी रक्तदान गर्ने बीरगंज युवा सामाज र रेडियो बीरगंजलाई स्वा तारा शम्शेर जवरा स्मृति पुरस्कार प्रदान गरिएको थियो ।

यो वर्ष उत्कृट काम गरेको भन्दै बिरुवागुठी उपशाखालाई पुरस्कृत गरिएको थियो । त्यसैगरि पोखरिया उपशाखा,बिश्रामपुर उपशाखा र रामनगरि उपशाखामा पनि पुरस्कृत भएका थिए । त्यसै गरि रेडक्रस अभियानलाई सहयोग गर्ने बिभिन्न निकाय र उत्कृष्ट प्रर्दशन गर्ने रेडक्रसका कर्मचारीहरुलाई पनि पुरस्कृत गरिएको थियो ।

कार्यक्रममा रेडक्रसका मंत्री बीरेन्द्र कडेलले प्रगती प्रतिवेदन र महन्थ यादवले आर्थिक प्रतिवेदन प्रस्तुत गरेका थिए ।
कार्यक्रम रेडक्रस सोसाइटीका सभापति फूल महम्मद मियाको अध्यक्षता तथा बिनोद गिरीको संचालनमा सम्पन्न भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।