लट्री प¥यो भन्दै ठग्दै हिडने गिरोह प्रहरीको फन्दामा

3/7/2018 गते 00 00 मा प्रकाशित 673 पटक पढिएको

बीरगंज २३ फागुन । बीरगंजमा चिठ्ठा प¥यो भन्दै ठगी गर्ने गिरोहका ५ जनालाई प्रहरीले पक्राउ गरेको छ । गएको सोमबार ३ जना भारतीय नागरिकसहित ५ जना पक्राउ गरेकोमा पर्सा प्रहरीले आज उनीहरुलाई पत्रकार सम्मेलनको आयोजना गरि सार्वजनीक गरेको छ।

पक्राउ पर्नेमा रौतहट यमुनामाई गाउँपालिका ४ बस्ने २१ वर्षीय इस्तेखार आलम, २५ वर्षिय ताहिर अन्सारी, भारत बिहार पश्चिम चम्पारणका ३२ वर्षीय नदिम आजम, २६ वर्षीय आसिफ खान र २४ वर्षीय मन्टु कुमार राम रहेका छन ।

उनीहरुले हृवाट्स एप, इमो, भाइबर, फेसबुकलगायत सामाजिक सञ्जाल र मोबाइलबाट सम्पर्क गरी मानिसहरुलाई चिठ्ठा परेको प्रलोभन देखाउँदै रकम ठगी गरेको पाइएको प्रहरीले जनाएको छ ।

‘सुरुमा म्यासेज तथा फोन मार्फत तपाईलाई ५० लाखको बम्पर चिठ्ठा परेको छ, लट्री वापत तिर्नुपर्ने कर रकम बुझाएपछि पुरस्कारको रकम तपाइको खातामा आउँछ भनेर फकाउने रहेछन् पर्साका प्रहरी उपरिक्षक डा.गणेश रेग्मीले जानकारी दिनु भयो

उनीहरु विरुद्ध ठगी तथा संगठित अपराध शीर्षकमा मुद्दा दर्ता गरी अनुसन्धान सुरु गरिएको प्रहरीले बताएको छ ।

पर्सा प्रहरीले यसअघि पनि तीन पटक यसरी ठगीमा संलग्न गिरोह पक्राउ गरिसकेको छ । बुधबार सार्वजनिक गरिएकासमेत गरी ठगीमा संलग्न १७ जना पर्सामा नै पक्राउ परेका छन् । जसमा ७ जना भारतीय नागरिक छन् ।

गत मंसिर १४ गते ६ जना, पुस ३ गते ३ जना र फागुन ७ गते ३ जना पक्राउ परेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।