उत्पादक तथा आपूर्तीकर्तालाई उपभोक्ताको हितमा जिम्मेवार बन्न कन्जुमर आइको आग्रह

3/5/2018 गते 00 00 मा प्रकाशित 651 पटक पढिएको

बीरगंज २१ फागुन ।
कन्जुमर आइ नेपाल पर्सा शाखाको बैठक सोमवार बीरगंजमा सम्पन्न भएको छ ।

उपभोक्ता अधिकारको क्षेत्रमा क्रियाशील कन्जुमर आइ नेपालले चैत्र १ गते बिश्व उपभोक्ता दिवस भब्य रुपमा मनाउने निर्णय गरेको छ ।

शाखाका अध्यक्ष के.सी.लामिछानेको अध्यक्षतामा बसेको बैठकले उपभोग्य बस्ुतमा मनपरी हिसावले भएको मूल्यबृद्धि प्रति चासो ब्यक्त गरेको छ ।

बजारको अनुगमन ,मूल्यको बिश्लेषण र कतिपय अवस्थामा निर्धारणको समेत अधिकार पाएको जिल्ला स्तरीय अनुगमन समिति सेलाएकोमा पनि बैठकले चिन्ता ब्यक्त गरको छ ।

उपभोक्ताको अधिकारलाई नेपालको सम्बिधानले मौलीक हकको रुपमा ब्यवस्था गरेको तथ्यलाई स्मरण गर्न आजको दिनमा आवश्यक रहेको छ ।

बैठकले जनताको घरमा आएको सिंहदरवार र त्याहा रहेका जनप्रतिनिधिहरुले सम्बैधानिक रुपमा गरिएको ब्यवस्थालाई ब्यवहारिक रुपमा कार्यान्वयन गराउने दिशामा काम नगरेको प्रति ध्यानाकर्षण गराउने निर्णय गरेको सचिव गिता भण्डारीले जानकारी दिइन ।

बैठकले उपभोक्ताको अधिकारको बिषयमा जिम्मेवार र जवाफदेशी बन्न उत्पादन तथा आपूर्तीकर्ताहरुलाई आग्रह समेत गरेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।